30/12/11

Lecturas para un novo ano

Procedencia da imaxe

Desculpade que este ano nos despedísemos no Nadal sen repartirvos o folletiño coas recomendación de lecturas, libros, tebeos, discos..., que veu sendo habitual nos últimos anos. Afortunadamente noutros institutos andaron máis agudos e espelidos ca nós e si conseguiron  elaborar a tempo os seu catálogos de lecturas "para tempos fríos" que dicía o blogue das bibliotecas escolares de Galicia. E  como a das bibliotecas escolares soe ser xente boa e xenerosa, moitos deses catálogos están publicadas en Internet, a disposición de todos nós, listos para ser consultados, eloxiados, criticados, seguidos, ignorados, ou o que gustemos.  En todo caso, cómpre agradecerlles ás persoas que os elaboraron o seu traballo e a xenerosidad de compartilo, cousa que facemos agora mesmo desde este blogue. E para rematar, lembrade que as siglas CEIP corresponden a "centros de ensino infantil e primario" e que IES vén sendo "instituto de ensino secundario". Digo isto por se vos apetece ir directamente aos links que poden conter recomendacións máis axeitadas para a vosa idade, aínda que a min gústame fisgar en todas as propostas.
Aquí tendes o link: Recomendacións de lectura para tempos fríos: Nadal 2011

23/12/11

Feliz Nadal



As persoas que formamos parte do equipo da biblioteca desexámosvos a todos os lectores e lectoras deste blog e usuari@s  da nosa biblioteca unhas felices festas do Nadal e un 2012 próspero e venturoso.

Ana Doval comenta "Hush, Hush", de Becca Fitzpatrick

Procedencia da imaxe


En El Templo de las Mil Puertas sosteñen que Hush, hush "puede pecar de  ser otra de esas novelas de amoríos sobrenaturales" (para min, un pecado mortal, pero se cadra vós sodes máis indulxentes), xa  sabedes, ésas nas que un dos enamorados é un zombi, un anxo, un lobishome, un vampiro, etc, etc. etc. Así e todo, afirman na mencionada revista, paga a pena ler a tal noveliña, porque disque vos pode facer pasar "un buen rato". Ana Doval, alumna de 4º deste instituto xa leu "Hush, Hush" de cabo a rabo e tivo a xentileza de nos enviar ao correo electrónico a súa valoración, non moi entusiasta, hai que dicilo, desta novela.
Cópiovos a continuación unha parte da reseña de Hush, Hush, tal como aparece en El Templo de las Mil Puertas e logo a valoración de Ana, a quen lle agradecemos desde aquí a súa colaboración.

 El inicio de curso no podría haber empezado peor para Nora. Por si no fuera suficiente con que el profesor de biología decida separarla de su mejor amiga, ¡encima le toca sentarse con el tío más extraño y siniestro de clase! ¡O del instituto entero! Y hacer un trabajo con él. ¿Podría ser peor? Parece que sí; en los últimos días se siente perseguida por un extraño con pasamontañas y un chico que le provoca más escalofríos que Patch no deja de aparecer en escena cuando menos se lo espera.

A valoración de Ana Doval:

La trama es bastante original, aunque los personajes, exceptuando los principales, son algo planos. La historia mantiene el suspense hasta el final: hasta casi la última línea no sabemo quién es realmente de confianza y quién no. Las historias de los personajes, aunque algunas más maduras que otras, no sobrepasan la edad de los 18 años, y en ocasiones tienden a degenerara a un campo excesivamente juvenil.
La forma que tiene la escritora de meter al lector en el tema principal es bastante absurda porque no aparece  hasta mucho después de la mitad del libro. Hasta entonces solo tenemos breves alusiones por las que la autora pasa casi de puntillas.
Está bien como libro juvenil, amor y algo de misterio, pero si se busca un libro con un combate apoteósico, mejor cambiar el chip, porque no tiene nada que ver.

20/12/11

Bibliotecas escolares e municipais de luxo


As bibliotecas galegas xogan na primeira liga da cultura e o traballo ben feito. E afortunadamente vailles chegando o recoñecemento. Hai uns día soubemos que nada menos que seis bibliotecas escolares galegas saíran premiadas no Concurso Nacional de boas prácticas para bibliotecas escolares 2011, do Ministerio de Educación. Unha desas bibliotecas, a do CEIP de A Lama (Pontevedra)  conseguiu o primeiro premio na modalidade A, que comprende centros de infantil e primaria. Botádelle unha ollada ao blog desta biblioteca, O recanto de Leo, veredes que alma de lectores e artistas teñen estes pequenos e pequenas. En fin, que temos que estar orgullos@s do bo funcionamento das nosas bibliotecas e, por suposto, aproveitar as oportunidades que nos brindan. Nós desde  este blog enviámoslle a nosa felicitación a todo o persoal das bibliotecas premiadas, e aos seus alumnos e alumnas. Noraboa e a seguir traballando tanto e tan ben.


E encantadas estamos tamén de lles mandar a nosa máis entusiasta noraboa ás  bibliotecas municipais de Oleiros por outro recente primeiro premio que acaban de gañar: o  María Moliner, o máis importante galardón que pode recibir unha biblioteca neste país. Neste caso, o María Moliner considerou que o proxecto de animación á lectura que presentaron as bibliotecas oleirenses era o mellor de todo o estado. O tal proxecto titúlase Lecturas refrescantes. Podedes consultalo clicando no link correspondente.


15/12/11

Unha portada do século XXI

A imaxe que vedes aquí corresponde á portada dun libro que a editorial UK Publisher Walker Books sacará no vindeiro mes de febreiro. Como podedes comprobar, a novela titúlase Daylight saving e o seu autor é Edward Hogan. E preguntarédesvos que ten esta obriña de particular que mereza o honor de traela a este o noso insigne blog. Pois de momento, non ten máis cas aparencias, que ás veces tamén contan. O caso é que os publicistas da editorial, ou que sexa que se encarga desas cousas na editorial en cuestión, tivo a feliz idea de facer unha portada interactiva que chamase a atención dos internautas impenitentes coma min. E este mesmo post é proba "fehaciente" de que o conseguiu. Se queredes comprobar que me gustou desta novedosa portada, probade a pasar o rato por riba da imaxe e veredes que pasa.

 


13/12/11

Haberá primavera



Permitídeme que me poña hoxe en plan "centro comercial" e vos faga unha suxestión para ver onde e como gastar uns cantos euros nun regalo que vos faga quedar ben se o receptor é amigo da poesía e da música. Confeso que nada máis ler a información que vos pasarei a continuación veume á cabeza precisamente a idea de que ía ser un bo regalo para algúns dos meus familiares. Refírome ao libro disco titulado Haberá Primavera. Catorce poemas, catorce cancións no que o músico César Morán canta catorce poemas de Álvaro Cunqueiro e un tema propio. O disco vén acompañado por un libriño de 56 páxinas. O conxunto costa 29 euros.
Se queredes saber máis sobre esta obra, remítovos á páxina de culturagalega.org onde atopei a información e, claro, ao vídeo que inserto neste post, que vos permitirá escoitar un dos temas do disco cantado en directo por César Morán.

Outra boa idea para regalar: "Destino Hërgüss", de Manuel Cráneo

Voume atrever a facervos outra suxestión de regalo para estas próximas festas navideñas, antes de que me cheguen voces censoras acusándome, con razón, de promover desde este blog o consumo inmoderado de produtos "prescindibles" (isto último dito con moitos reparos). Vaia por diante a miña declaración de culpa, o meu nulo arrepentimento e a total ausencia de propósito de enmenda. Porque penso que paga a pena gastar uns cantos euros nun libro, porque me gusta recibir libros como regalo e porque hai tantos libros e tan interesantes que me parece preferible aforrar noutros capítulos menos apremiantes. En calqueira caso, lembrade que na biblioteca os libros son gratis e que estamos sempre encantadísimas de volos prestar. Pero, ao que íamos, quería contarvos que lin hai uns días en culturagalega.org que Manuel Cráneo vai sacar neste mes decembro un álbum de ciencia ficción que se titulará Destino Hërgüss. Non son particularmente fan da ciencia ficción, pero moitos dos usuarios e usuarias desta biblioteca si o son e daquela esta información pode serlles de proveito. Di culturagalega.org:
  Destino Hërgüss é unha obra de entre setenta e oitenta páxinas que Cráneo ambienta no Planeta Mincha, na que tamén se sitúan os contos infantís que está a publicar con Everest. Desta volta, a BD narra o xeito no que o doutor Pichük, protagonista da serie de contos, consegue o seu traballo no Ministerio de Ciencia do planeta. "É unha obra dirixida a un público máis ben xuvenil e adulto, que emprega outro rexistro ao dos contos", sinala o autor.
Máis información:  culturagalega.org

29/11/11

Letras vivas

As letras cobran vida neste vídeo titulado The Alphabet 2 que  n9v colocou en vimeo. Eu souben del a través de librosfera, gústoume e tróuxeno aquí.


Maite Carranza gaña o Premio Nacional de Literatura Infantil e Xuvenil cunha obra dedicaca ás mulleres que sofren



Maite Carranza gaña o Premio Nacional de Literatura Infantil e Xuvenil coa obra titulada  Paraules emmetzinades. Escrita en catalán e traducida xa a galego, castelán e basco,  Paraules emmetzinades trata un tema delicado e inquietante: os abusos sexuais infantís.
Copio a sinopsis de Paraules emmetzinades da páxina da editorial Edebé, de onde podedes descargar o primeiro capítulo da novela:
Palabras envenenadas es una crónica de un día trepidante, vivido a contrarreloj y protagonizado por tres personas cercanas a Bárbara Molina, desaparecida misteriosa y violentamente cuando tenía quince años. Un enigma que, después de cuatro años sin resolverse, va a verse sacudido por nuevas claves. A veces, la verdad permanece oculta en la oscuridad y sólo se ilumina al abrir una ventana. Una historia de mentiras, secretos, engaños y falsas apariencias que pone el dedo en la llaga sobre mitos incuestionables. Un relato apasionante que disecciona la hipocresía de la sociedad española moderna. Una denuncia valiente de los abusos sexuales en la infancia, sus devastadoras consecuencias y su invisibilidad en este acomodado mundo nuestro.

Vía: Lecturalia

22/11/11

O capítulo 1 de "La invención de Hugo Cabret"

Se queredes probar a que sabe La invención de Hugo Cabret, tendes a continuación unha mostra que traio de Issuu.Trátase do primeiro capítulo da novela. O resto, na biblioteca, á vosa disposición.

Hugo chega ao cine

Vexo  en The presurfer unha listaxe do que eles (a xente de Presurfer, quero dicir) consideran as quince mellores películas que se estrearán nos Estados Unidos nas próximas festas do Nadal e chámame a atención unha delas de título breve e familiar: Hugo. Trátase dunha adaptación ao cine, dirixida por Martin Scorsese, nada menos, dunha encantadora noveliña ilustrada que se titula La invención de Hugo Cabret.
E como me pareceu que toda esta información era boa, tróuxena aquí.
Atención: polo visto, Hugo non aparecerá polas nosas costas ata o mes de xaneiro. Mentras tanto, podedes ir lendo a noveliña que gardamos para vós na bliblioteca.
Páxina oficial da película: hugomovie.
E a continuación o tráiler en español:


Lecturas para pasar o inverno

Igual que a formiga da fábula  se afana en atesourar provisións para non pasar fame e mellor levar o longo inverno, así nós andamos de acó para aló mercando libros que  satisfagan o non menos urxente  apetito lector  dos usuarios/as da nosa biblioteca e lles permitan pasar os meses de frío e mal tempo ben "pertrechados" contra o aburrimento e a apatía.
Móstrovos, logo, a continuación unha presa de libros que acaban de chegar  e permítome repetir unha advertencia, que os improbables lectores deste blog estarán cansos de me oír cada vez que toco o tema das novidades: os títulos que veredes a continuación non son todos os que se incorporan este mes ás baldas da biblioteca, hai máis, uns cantos máis. Pasade pola mesa de novidades, á entrada da biblioteca, botádelle unha ollada e etc, etc, etc.
















15/11/11

Estreamos cartel

Permitídeme que vos presente outra obra de arte que lle debemos, unha vez máis, á técnica e inspiración de Manuel Álvarez. Trátase dun cartel que vos recorda que a biblioteca existe e está ao voso servicio. Vou buscarlle un tamaño axeitado e colocalo neste blogue  no widget  que da acceso ao catálogo online da nosa biblioteca. De momento, védelo aquí neste mesmo post.

Un mar de lecturas

Os clubs de lectura están a piques de comenzar as súas actividades: só nos queda recibir  as ducias de libros que temos encargados e que nos permitirán atender a entusiasta demanda que felizmente nos desborda este curso. En canto cheguen, xa estaremos en condición de poñer proa cara ós nosos respectivos destinos lectores.  Aproveitade, logo, estes días en que non empezou a "temporada alta" de exames e notas e apuntádevos ao club de lectura que vos corresponda (ou a outro, que niso non nos imos poñer tiquismiquis): augurámosvos unha viaxe divertida e proveitosa.

E voilà os títulos que imos ler neste trimestre:

La isla de los delfines azules, de Scott O'Dell para 1º e 2º de ESO.

Ollos de auga, de Domingo Villar, para 3º e 4º de ESO.

Ardiente deseo, de Stefan Zweig, para 1º e 2º de bacharelato

Por último, pídovos un aplauso para o fermoso cartel que Manuel Álvarez elaborou para animar e anunciar a convocatoria dos clubs de lectura deste curso. Sostén Manuel  que a súa obra non é enteiramente orixinal, que se inspirou nun anuncio que viu hai uns cantos anos na rúa dunha cidade  alemana. Daquela compre que dediquemos tamén o noso aplauso ao autor ou autora alemán do cartel inspirador. Vaia logo tamén para el ou ela o noso recoñecemento.

9/11/11

Libro vello, vida nova

Atopei no blogue Nosololibros estas preciosas esculturas do artista norteamericano Brian Dettmer. Como podedes apreciar, están todas elas feitas con material impreso: libros, atlas, enciclopedias, dicionarios, folletos, etc. que o artista recorta e pega ata crear intrincadas figuras tridimensionais. A continuación cópiovos as imaxes que recollía Nosololibros ao tempo que me permito aconsellarvos que deades unha volta pola  galería de Brian Dettmer    para contemplar outros logradísimos traballos deste artista.










8/11/11

El Templo de las Mil Puertas

Queridos lectores e lectoras de primeiro de ESO, quero presentarvos hoxe unha páxina web  que a xente da biblioteca visitamos con certa frecuencia  e na que ides atopar pilas e pilas de libros, de todos os xéneros e para todos os gustos, reseñados por lectores mozos e entusiastas coma vós. Trátase de  El Templo de las Mil Puertas, unha revista de literatura xuvenil que vai xa polo número vintetrés e que vos permitirá estar ao día no que se refire á literatura xuvenil en castelán. Clicade logo no nome da revista e contádeme que vos parece, se o tendes a ben.

Pasarela de outono 2011

Estas son só algunhas das novidades que vos temos preparadas para este outono lector.




25/10/11

Xosé Tomás publica "Nómades"


Presentouse o día 19 deste mes de outubro a primeira entrega  dunha nova colección que a editorial Galaxia vai dedicar á novela gráfica. Titúlase Nómades e fírmaa Xosé Tomás. Cópiovos a continuación un fragmento da información que suministra o blogue culturagalega.org sobre esta obriña:
Nómades, de Xosé Tomás, é unha historia de arredor de cincuenta páxinas a toda cor, que con extras chega a un volume dunhas oitenta. Segundo explica o autor, a obra "achega unha visión da emigración a través de historias de mulleres. Cada capítulo leva o nome e céntrase nunha protagonista que vai dun lugar a outro. Hai unha muller que cruza o estreito e chega a un lugar como España, outra que podería ser cubana e que chega aquí como médica". O autor botou dous anos de documentación para facer esta visión da emigración, dirixida a un público adulto.

Máis información no blogue da editorial Galaxia

Chega a segunda parte de "El nombre del viento"



Raquel e Cristina, de 3º A, no caso improbable de que esteades ao outro lado deste blogue, prestade atención a este post porque vai especialmente dedicado a vós. Sei que gozastes coa lectura da obra de Patrick Rothfuss El nombre del viento: vinvos derovando as súas páxinas (e son moitas) con avidez e entusiasmo. É máis, lémbrome de que foi Raquel quen me puxo ao tanto da existencia de tal libro e tal autor, ambos completamente descoñecidos para min, e que me dixo: "Profe, tes que recomendar esta novela". Pois ben, compráceme hoxe avisarvos especialmente a vós, e de rebote aos lectores globais deste blogue, de que por fin chega ás librerías (exactamente o día 3 de novembro) a segunda parte da triloxía que inaugurou El nombre del viento. Vaise titular El temor del hombre sabio e sei que promete ser unha novela tan seductora e emocionante como a precedente . Creo recordar que por algún sitio se ofrecía un extracto da novela, pero vive Deus que non o dou atopado. Así que de momento conformádevos co "book-trailer". O libro supoño que o mercaremos para a biblioteca, pero iso xa non depende só de min.

18/10/11

Os zombis atacan a Shakespeare



A editorial Mondadori anuncia a próxima aparición no mercado das letras hispanas da tradución de Warm bodies, novela escrita polo  norteamericano Isaac Marion. En español Warm bodies vaise titular R y Julie en honor da celebrada, e tantas veces imitada  Romeo e Xulieta, do sublime William Shakespeare. Un inciso: lémbrome agora mesmo de Romeo y Julita Martínez, unha comedia intranscendente de Tono que parodiaba os amores dos famosos amantes de Verona en clave humorística. Pois ben, R y Julie parodia tamén, ou quizá recrea moi libremente, a traxedia shakespeariana en clave paranormal. Explícome: R e un zombi come-cerebros que se entretén atacando a humanos. Nunha destas saborea o cerebro dun adolescente namorado (trasunto do Paris de Romeo e Xulieta) e contáxiase dese amor. A partir dese momento a súa "vida" cambia, e complícase: o enfrontamento entre Capuletos e Montescos queda en liorta de patio de colexio comparado co que manteñen zombis e humanos. En fin, que non vos conto máis, botádelle unha ollada ao tráiler, se vos prace. E se vos prace ler o libro, agardade ata o 10 de novembro, que é a data na que chegará ás librerías de por aquí. Eu con avisarvos cumpro, que xa din que "quen avisa non é traidor".

Sofía Casanova na biblioteca de Santa Cruz

procedencia da imaxe

 Foi Sofía Casanova,  galega de Almeiras, un personaxe singular e interesantísimo e, sen embargo, moi pouco coñecido por estes lares. Se cadra porque viviu gran parte da súa vida fóra de Galicia e de España: casara cun nobre polaco, diplomático, que a repudiou porque non Sofía tivo fillos varóns que garantiran a continuidade do liñaxe (sí tres nenas, pero esas non podían herdar o título do pai). Pero se cadra a explicación do amplo descoñecemento que padecemos sobre a vida deste personaxe débese máis ben á tradicional invisibilidade que envolveu ao longo da historia a tantas mulleres notables. Cunha amplísima obra literaria,  Sofía Casanova foi colaboradora habitual dos máis importantes xornais do seu tempo, entre eles o New York Times, sen ir máis lonxe, e moitos sinálana como a primeira correspondente de guerra.
Pois ben, ata o día 1 de xaneiro, tendes a oportunidade de visitar  unha exposición que  ten como tema a obra bibliográfica de Sofía Casanova e que se acaba de instalar na Biblioteca e Centro de documentación da muller de Santa Cruz. Deixádeme que me poña solemne: eu penso que é de xustiza histórica que acudamos á exposición, que nos movamos para coñecer máis desta muller galega universal, a cal, por certo, dinme no blogue das bibliotecas do concello que pasou unha tempada en Mera, alá polo ano 1896.

17/10/11

Un cornecho para a lectura

Aqueles e aquelas de vós que vindes a miúdo pola biblioteca, observariades que  arranxamos unha das esquinas con tres puffs de cores e unha mesiña "de centro". Fixémolo seguindo exemplos que vimos nalgúns blogues das bibliotecas escolares de Galicia (moito nos gusta copiar o que nos gusta!: redunda pero é verdade). Queriamos que vós tamén dispuxerades dun sitio cómodo e alegre onde ler e relaxarvos das tantas veces pesadas tarefas académicas. Non sei que vos parecerá a vós como quedou o tal cornecho, pero pódovos asegurar que á xente de primeiro de ESO encantoulle. E como proba disto que digo, aporto un documento gráfico: a foto que incorporo a este post onde se pode apreciar  a cara de felicidade que teñen estas rapazas de primeiro  ás que pillamos en pleno uso e "disfrute" do novo espazo.

12/10/11

Nova edición do Premio "Gloria Fuertes"

Procedencia da imaxe
Vénse de convocar o XIII Premio de Poesía Juvenil Gloria Fuertes.  Lembrade que xa o ano pasado vos avisei nun post do 12 de decembro da duodécima edición deste premio. E como acabo de comprobar que nada cambia na convocatoria deste ano con respeto á do ano pasado ( contía do premio, límites de  idade dos participantes, prazos, etc), ao post xa publicado vos remito para máis información: 
De interese para quen teña 16 anos e 500 versos, polo menos
Vía: blogue da Biblioteca Virtual Cervantes

11/10/11

Laura Gallego publicará "Donde los árboles cantan"

Procedencia da imaxe


Anunciábao "El País" hai uns días: Laura Gallego volve á literatura xuvenil coa novela titulada Donde los árboles cantan, que sairá á venda o 14 deste mes de outubro. Cópiovos a continuación un fragmento do post de Papeles Perdidos onde nos adiantan os contidos desta obra que seguro que moitos ansiarán ler.
 
Donde los árboles cantan, una historia de iniciación en la que mezcla géneros. Empieza como una novela de aventuras ambientada en Nortia, en el reino medieval, se interna de lleno en el terreno de la fantasía y sostiene una intensa historia de amor. Viana, la protagonista también sufre cambios importantes a lo largo de las 477 páginas de la obra. Educada como una dama para convertirse en la perfecta esposa, su destino cambia de manera radical y para siempre, cuando se cumple la amenaza de invasión de los bárbaros del norte sobre el reino.
Quen non queira esperar ata o 14, aquí ten un adianto para ir abrindo o apetito lector: o capítulo 8 de Donde los árboles cantan, En el que se cuenta el viaje de Viana a través del gran bosque y el sobresalto que sufrió junto al arroyo (pdf)

4/10/11

Voluntariado europeo


Encárganme que vos conte que a Fundación Paideia convoca unhas xornadas que titula "Voluntariado y dinamización en Europa". Podía adiantarvos algo do contido destas xornadas porque algo disto xa estiven comentándoo en 1º B, onde deixei unha copia do folleto que a citada fundación nos enviou, pero ando moi ocupada "abalando" e  rógovos que me desculpedes se esta vez deixo que falen os enlaces. Que para iso están, non? Para que o que queira saber máis, clique (neste caso na imaxe) e se entere do que lle apeteza e pola súa conta. Eu só vos adianto que se queredes asistir a estas xornadas (ollo: son para maiores de 18 anos), espabiledes: hai que preinscribirse e o aforo é limitado, o cal debe de querer dicir que caben poucos.

De xente nova e non tan nova


 Lin con certo detemento  a publicación Los mayores y la enfermedad de alzheimer, da que vos falei hai uns días. Pareceume moi emotivo o prólogo de Albert Solé, periodista e fillo de Jordi Solé Tura, un dos relatores da Constitución e antigo ministro de Cultura. Moitos de vós seguramente non  coñecedes a este personaxe, que morreu no ano 2009, pero os que xa podiamos votar nos anos oitenta lembrámolo perfectamente en plenas facultades mentais e lembramos asimesmo como nos conmoveu no seu momento a noticia de que o alzheimer estaba desbaratando unha cabeza ata aquela tan ben montada.

Ademais deste prólogo de Albert Solé, na publicación aparece outro de X e a continuación unha relación bibliográfica de obras literarias infantís e xuvenís que tocan o tema das relacións entre a xente vella e a moza. Repasei esta relación fixándome sobre todo nos títulos que se recomendan para maiores de 12 anos. E logo boteille unha  ollada ao catálogo da nosa biblioteca  para comprobar qué temos de todo iso e qué nos falta. E non temos moito, iso é certo, aínda que si outros títulos que non recolle a publicación (por exemplo La paloma y el degollado, de Fina Casalderrey, que plasma unha relación tan tenra e afectuosa entre un neto e o seu avó).  De calquera xeito, dispoñemos dun pequeno presuposto que nos permitirá encher algúns ocos. De momento, co que atopei, refírome a títulos que se recomendan en Los mayores y la enfermedad de alzheimer e que están á vosa disposición na biblioteca, preparei  unha pequena presentación para que vos sirva  de consulta rápida e a ser posible de acicate para a lectura. Son todos títulos, digamos, solventes: de categoría supra e probada amenidade.




3/10/11

Abel García publica "Dis-continuo"

Propiedade da foto: La Voz de Galicia
"Vendedor de poemas", "vate callejero", deste xeito se refería La Voz de Galicia,  nun artigo publicado a finais do pasado mes de marzo, a Abel García, antigo alumno do noso instituto e apaixonado poeta. Soubemos xa hai tempo (porque nolo dixo Cristina García, a súa irmá) que andaba Abel ocupado na composición dun libro de poemas xunto con  outros setes mozos e mozas, devotos  todos eles  da musa Calíope. Pois ben, acaba de saír á luz o produto da inspiración colectiva deste animoso grupo de xente nova que La Voz de Galicia etiquetaba como "la generación del Café Hispano". Trátase dun libro de poemas titulado Dis-continuo, que, de momento, só se vende na librería Arenas. Se tes 15€ e che gusta a poesía, podes acercarte por alí e mercalo. E, se andas máis escas@ de euros que de gañas de ler, agarda a que  traiamos o libro á biblioteca, que será pronto.

Nesta noticia La Voz de Galicia xa apuntaba a pasión de Abel pola poesía:  El vendedor de poemas de la calle Real.

E nesta outra infórmasenos da aparición do libro de poemas e dos seus autores e autoras: La generación del Café Hispano.

27/9/11

O alzheimer na literatura infantil e xuvenil





O CRE Alzheimer ( Centro de Referencia Estatal de Atención a Personas con Enfermedad de Alzheimer y otras Demencias) e O Centro Internacional del  Libro Infantil y Juvenil, da Fundación Germán Sánchez Ruipérez, sacaron á luz hai pouco unha publicación que titulan "Los mayores y la enfermedad de Alzheimer en la literatura infantil y juvenil". Afirman que se trata de “un puente literario tendido entre los niños y los mayores, entre la infancia y la vejez”. Sendo así, teremos que ler con calma a tal publicación porque eu penso que tender esas pontes entre vellos e mozos é necesario e ata urxente. Vou descargar, logo, o pdf no meu ipad para lelo na casa con máis comodidade. Nun próximo post contareivos cales son as miñas primeiras impresións.

Por certo, o blogue das bibliotecas municipais de Oleiros, do que son seguidora e de onde saco a información que vos estou contando, comprácese en informarnos de que a Biblioteca Central de Rialeda colaborou na publicación antes mecionada cunha selección de títulos en galego. Vaia desde aquí, unha vez máis, a nosa felicitación ás bibliotecas municipais polo seu meritorio traballo. 

21/9/11

Pan e libros

Lin en Capítulo Cero un fragmento do discurso que Federico García Lorca pronunciou na inauguración da biblioteca de Fuente Vaqueros, o  seu pobo, alá polo xa lonxano ano de 1931. Di García Lorca:

Federico García Lorca aos dezaseis anos
No sólo de pan vive el hombre. Yo, si tuviera hambre y estuviera desvalido en la calle no pediría un pan; sino que pediría medio pan y un libro. Y yo ataco desde aquí violentamente a los que solamente hablan de reivindicaciones económicas sin nombrar jamás las reivindicaciones culturales que es lo que los pueblos piden a gritos. Bien está que todos los hombres coman, pero que todos los hombres sepan. Que gocen todos los frutos del espíritu humano porque lo contrario es convertirlos en máquinas al servicio de Estado, es convertirlos en esclavos de una terrible organización social.
Yo tengo mucha más lástima de un hombre que quiere saber y no puede, que de un hambriento. Porque un hambriento puede calmar su hambre fácilmente con un pedazo de pan o con unas frutas, pero un hombre que tiene ansia de saber y no tiene medios, sufre una terrible agonía porque son libros, libros, muchos libros los que necesita y ¿dónde están esos libros?
 Impresionante, non si?

Imaxe: Wikipedia

20/9/11

Noraboa, Fernando

A imaxe procede do blogue da editorial Galaxia
A isto chámaselle empezar con bo pé. Resulta que moi pouquiño despois de arribar ao instituto e a punto de iniciar iso que podiamos chamar topicamente "unha nova singradura" enterámonos de que a Fundación Repsol lle concedeu a Fernando Díaz-Castroverde (para nós Fernando, o profe de galego) o  Premio Repsol de Narrativa Breve en Lingua Galega polo seu libro Microbios e outros paquidermos. Di Fina Casalderrey, voceira do xurado, que a obra de Fernando é das que fan pensar. Esas precisamente son as nosas favoritas. Así que estade atentos: en canto a editorial Galaxia publique Microbios e outros paquidermos, que, segundo me indica Fernando será para primeiros de novembro, mercaremos uns cantos exemplares para a biblioteca e xa o poderedes levar en préstamo. De momento déixovos uns links para que ampliades esta información, se vos prace.

El País: Repsol otorga su premio literario a Díaz Castroverde 
Entrevista a Fernando publicada en La Voz de Galicia

21/6/11

Que ler este verán (II)

Na biblioteca xuntamos un feixe pequeno de títulos recomendados por lectores e lectoras de todas as idades e tendencias e démoslle forma de folleto. Aínda que só ten dúas páxinas, paréceme que contén variedade abonda para satisfacer distintos gustos lectores. Pero, por se me engano (procuro non descartar nunca esta posibilidade),  vou incluírvos neste post algúns links que vos poden servir de inspiración extra se aínda non sabedes que ler nestes próximos e marabillosos meses de vacacións.

Primeiro un link de links que vos levará aos blogues das bibliotecas escolares de Galicia. Por estas datas comezan a publicar interesantes guías de lectura estivais.

Lecturas refrescantes: nada menos que 308 suxestións de libros, cds e dvds ao alcance da vosa man, xa que se trata da xenerosa proposta que poñen en marcha para este verán as bibliotecas municipais de Oleiros.

Xa dentro da nosa casa común, pásovos as propostas que publica Marisa, a profesora de galego, no seu blogue Enredando coas palabras. Co seu permiso, e unha vez que me poña diante dun ordenador máis preparado para a multitarea que este do que agora mesmo dispoño, publicarei neste blogue o contido do glog de Marisa.

E a continuación, a nosa proposta. Para vela en pantalla completa, premede "ver en pantalla completa", onde se non.

16/6/11

Ler ten premio

Lendo pasámolo ben e non precisamos ningún  outro premio adicional. Estamos de acordo. Así e todo, na biblioteca pareceunos que procedía outorgarlles un pequeno premio, un "detalle", a todos os que participaron no club de lectura. Así que lles regalamos un sinxelo caderniño de follas en branco coa esperanza de que o empreguen para se adestrar como escritores,  porque xa sabedes que da lectura á escritura non hai máis que un paso e canto antes se dea, mellor.
Por outra banda, e xa postos, quixemos explorar as posibilidades de Glogster, ferramenta coa que non traballaramos antes, e elaboramos uns cantos glogs sobre o tema do libro lido. E aquí volveunos a saír a vena premiadora e convocamos un concursiño para elixir aquel cartel que nos parecera máis logrado. E o premio foi para  María Díaz, de 1º D,  polo especial  coidado e  empeño  que puxo na elaboración do seu glog. Reprodúzovos a continuación o glog premiado, unha foto da entrega (nada solemne) do premio a María e unha foto dos integrantes do club de lectura



entrega premio

club de lectura 1

Que ler este verán

Estes días ides atopar polo instituto uns cantos carteis coma este que hoxe reproduzo aquí. Confeccionámolos con paciencia e suxestións de alumn@s e profesor@s. Hai unha certa variedade, como poderedes comprobar: novela romántica, de aventuras, ciencia ficción, e ata o Súper Mortadelo e Filemón de toda a vida. Así e todo, se non vos convencen os títulos que expoñemos, don't worry: na biblioteca temos moitos, moitos máis.

libros verano a4

14/6/11

Repetimos post

Cando un traballo sae mal, non queda outra máis que repetilo amodo e poñéndolle sentidiño. E a min saíume mal o anterior post; confiei demasiado en Blogger e na súa capacidade de subir e publicar vídeos. Puiden comprobar que era ben limitada. Observariades que a versión do vídeo de Lois Pereiro que coloquei no post inmediatamente anterior a este é bastante cutre e deixa deslucido o valioso traballo do Departamento de Galego. Así que fun rezarlle a outro santo, San Youtube, que é moi avogoso para iso dos vídeos, e alí deixei unha versión máis potente do vídeo. Incrústoa aquí  para que poidades gozar dunha contemplación de moita máis calidade, moito máis acorde cos merecementos do clip.


9/6/11

Sempre Lois

Outra xoia que nos regalan Marisa, do  Departamento de Galego,  Manuel Álvarez e un grupo de quince rapaces e rapazas de distintos niveis. Trátase esta vez dun vídeo sobre a figura de Lois Pereiro: momentos destacados da súa vida e unha pequena antoloxía da súa obra poética. Todo iso cunha música e unhas imaxes de fondo que invitan á nostalxia. Un traballo sobresaliente.


video









31/5/11

Los libros son como los amigos, no siempre es el mejor el que más nos gusta
Jacinto Benavente

Sara Rodríguez recomenda "Canciones para Paula"

Procedencia da imaxe

 Sara Rodríguez, alumna de primeiro de ESO felizmente aqueixada dunha insaciable afección a ler e a escribir, prégame que vos transmita a súa recomendación por un libro que leu recentemente e que lle encantou. Ao igual que Antón, do cal víamos hai pouco a reseña de Eragon, Sara publicou o seu comentario no blogue La caracola. De alí a saco eu e aquí volo deixo. E remato anunciándovos que próximamente daremoslle cabida aos comentarios entusiastas de Alba, outra alumna de 1º de ESO, fan entusiasta (valga a redundancia) do xenial Terry Prachett.

Esta novela gustoume moito.  Paula, a protagonista da historia, é a protagonista dun triángulo amoroso:
Vai coñecer ao seu cibermozo, Anxo, en persoa. Chega a primeira ao lugar da cita e, como el tarda moito, entra nunha cafetaría próxima, onde coñece a Álex, un novo escritor e saxofonista que está lendo o mesmo libro que ela ao mesmo tempo que escribe outro. Álex ten que marchar da cafetaría rapidamente para ir á clase.

Inés, a medio irmán de Álex, vaise a vivir con el e tenta conquistalo, xa que non son do mesmo sangue. Pero o que Inés non sabe é que Álex está perdidamente namorado de Paula.

Diana, amiga de Paula, namórase de Mario, irmán de Miriam, a súa mellor amiga, e amigo da infancia de Paula. O que Diana descoñece é que Mario está locamente namorado de Paula.

Katia, unha exitosa cantante, é entrevistada por Anxo e namórase locamente del e tenta conquistalo, pero el dille unha e outra vez que non a quere, que el ama a Paula. Aínda así, Anxo sente algo por Katia.

Paula, pola súa banda, está a saír con Ángely no único que se centra é nel, no exame de Matemáticas do xoves e no sábado, xa que ese día cumprirá 17 anos e, polo visto, perderá a virxinidade con Anxo.

Se queres saber máis sobre os personaxes ou a historia, visita a web oficial de Canciones para Paula.

27/5/11

Un glog para ler

Pedinlle prestado a Marisa, a profesora de lingua galega,  o glog tan bonito que vedes neste post e que levaba algún tempo publicado no seu blogue Enredando coas palabras. Tivo a amabilidade de mo prestar e aquí volo deixo para que o vexades: loce moito e ademais contén recomendacións de lectura moi proveitosas. Certo é que estas recomendacións están pensadas ex profeso para xente de 1º de ESO, pero na biblioteca non vos  imos pedir o carné (polo menos non o de identidade) se queredes levar calquera libro dos que aquí  temos. E copio tamén, xa que me deixa Marisa, a presentación do seu glog. Reza tal que así:

O Señor dos Aneis, de Tolkien;  Cairo Branco, de Jack London;  A escura luz do Tíber, de Lola Gándara;  O príncipe da brétema, de Carlos Ruíz Zafón;  A volta ao mundo en 80 días, de Jules Verne; Carne de pedra, de Cornelia Funke... Libros clásicos e actuais para que poidas elixir.   Mira de que trata cada un e anímate a lelos. Están a agardarte na biblioteca. Pasarás momentos inesquecibles.

26/5/11

Puntadas solidarias para celebrar o 50 cumpreanos de AI

Autorretrato de Colo
Portada do  último número da   revista de A I

A organización Amnistía Internacional cumpre 50 anos, toda unha idade, aínda que neste caso podemos dicir con total propiedade que moi ben levada. Son 50 anos de loita continua polos dereitos humanos e a liberdade de conciencia en todo o mundo. Cincuenta anos merecen unha celebración de certo ringo rango e AI anda por estas datas ocupada en distintos actos conmemorativos, aínda que, hai que dicir, a pompa non é o seu estilo . A min interésame unha "celebración" en particular da que paso a falarvos. A modo de homenaxe, o ilustrador Colo confeccionou un fermosísimo cómic que recolle sucintamente os momentos clave da historia de AI. O que chama a atención do cómic é a laboriosa técnica empregada por Colo. Vou deixar que el mesmo vola expoña citando textualmente declaracións aparecidas en  Salamandragora,  o blogue do artista. Eu só os invito a que contempledes o cómic e vos fixedes na aparente sinxeleza e inxenuidade das imaxes e no efecto estético que conseguen. A min pareceume xenial.


Lo único que dibujé en todo el cómic son los ojillos y las bocas, el resto son hilos de colores cosidos al papel y cartones y papeles de colorines.

Me lo he pasado como un enano, vamos. (Jesús Colomina, Colo)
Podedes descargar a revista de forma gratuíta neste link ( o cómic aparece na páxina 15):     

Revista nº 108. Mayo- Junio de 2011

24/5/11

Antón Rodríguez recomenda a saga "El legado"

Antón, alumno de 1º da ESO, recomenda a lectura da saga "El legado". Se queredes ler o texto orixinal, publicado este curso no blogue La caracola, premede no seguinte link: Recomiendo la saga el legado. Aquí déixovos unha versión traducida por unha servidora, co permiso de Antón, por suposto.

Esta saga consta de catro libros: Eragon, Eldest, Brisingr e un cuarto que aínda non saíu.

Eragon ouvira falar dos Xinetes de Dragón, antigos gobernantes de Alagaësia, pero nunca se imaxinou que se convertería nun Xinete e que tería que loitar contra os homes de Galbatorix, malvado rei de Alagaësia, para acabar co seu reinado. Durante a historia coñece moitos e moi bos amigos, incluíndo a unha elfa, da que se namora.

É unha gran saga e o tres primeiros libros, que son os que  lin, gustáronme moito. Case me esquezo de dicirvos que tamén de fixo unha película do primeiro libro e, aínda que non a vin, sei que non recibiu moi boas críticas.
vía: La caracola

19/5/11

Libros salvados

Varios centros educativos galegos levaron adiante un interesante proxecto titulado Salvando libros. Consiste máis ou menos no seguinte: cada centro "salvou" un libro da literatura galega, clásico ou non tan clásico, incluíu  a razón do tal salvamento e unha pequena cita do libro. Nuns casos o "salvador" é unha persoalidade relevante no panorama cultural galego; noutros, é un alumno ou alumna do propio centro quen se lanza ao rescate da obra literaria. Con todo, confeccionaron unha moi fermosa colección de carteis ilustrada con total acerto por  Jaime Izaguirre Santillán.
Aquí tendes o link para disfrutalo en issuu:


Salvando libros. Centros de secundaria

vía Blog de bibliotecas escolares de Galicia

14/5/11

Caza do tesouro sobre Lois Pereiro

E cortesía tamén do Departamento do Galego do IES María Casares, unha caza do tesouro sobre o poeta monfortino homenaxeado este ano no Día das Letras Galegas.




A vida e a obra de Lois Pereiro

Despois de que Blogger nos tivese dous días a velas vir, volvemos un sábado pola tarde  para mostrarvos un traballo sobre a vida e obra de Lois Pereiro elaborado polo departamento de galego do noso instituto e publicado no blogue de 1º da ESO Enredando coas palabras. Preme na imaxe para lelo.

12/5/11

"La vuelta al mundo en 80 días" remata en Glogster

O club de lectura de 1º de ESO está estes días enredado en, entre outras, dúas tarefas: rematar de ler "La vuelta al mundo en 80 días" e aprender a facer "glogsters". De momento, a nova ferramenta preséntalles algunhas dificultades, pero como sabemos que son xente expelida, seguro que non han tardar moito en dominala por completo. Para animalos, publicamos aquí o primeiro froito dos seus esforzos (se clicades na imaxe veredes o póster no tamaño orixinal) coa promesa de lle dar cabida a todas as demais obras de arte  que saian das mans, ratos e pantallas de todos os membros (e membras?) do club.

10/5/11

Cando a arte está polo chan

Por unha vez ímosvos pedir que pousedes o libro que estades lendo e vos paredes a contemplar estas marabillas de arte rueira que andan repartidas por diferentes lugares do mundo. Trátase de composicións pictóricas creadas para cautivar a vista humana cunhas perspectivas que quitan o alento. Atopámolas en honkiat.com, un blogue moi recomendable pola calidade dos seus contidos. Copio continuación un fragmento do texto (en inglés) que acompaña ao post que reproduce as 50 composicións máis espectaculares deste tipo de arte e que titulan, non sorprendentemente, 50 More Breathtaking 3d Street Art (paintings) :



3d Street Art paintings have been around since the sixteenth century when Italian Renaissance Madonnari and French trompe l’oeil (French for ‘deceive the eye’) painters created stunning murals to decorate the interior walls of luxurious villas. 3d art can also trace it’s routes further back to ancient Greek days when painter Zeuxius (born around 464BC) painted a still life painting so convincing that birds flew down from the sky to peck at the painted grapes. The magic of 3d is created by painting a 2d picture and viewing it from a specific angle to capture the right perspective. 
E para rematar, unha mostra de esta arte , absolutamente breathtaking. Se queredes velas todas clikade no link que vos proporcionamos neste mesmo post, of course.

5/5/11

Lucía Souto recomenda "El señor del cero", de Isabel Molina

Lucía Souto, alumna de 3º A, envíanos unha nova suxestión de lectura.Trátase esta vez da novela histórica que leva por título "El señor del Cero", escrita por Isabel Molina e publicada pola editorial Alfaguara. Agradecémoslle a Lucía a súa colaboración e aproveitamos para invitarvos unha vez máis a que fagades outro tanto e nos contedes que lestes, por que e con que consecuencias. Con todas as vosas suxestións elaborariamos un folleto de "lecturas recomendadas" para o verán.



Procedencia da imaxe
A continuación, a recomendación de Lucía:
Es un libro fascinante en el cual descubres la forma de vida en el siglo X. Puedes ver cómo funcionaban los monasterios del norte de España y las formas de cálculo que había en aquel tiempo. También te muestra las diferentes costumbres musulmanas y cristianas.
Es una de las novelas históricas que más me ha gustado. Se la recomiendo a todos/as aquellos/as que tengan interés sobre los antiguos habitantes de nuestro país.

3/5/11

Viaxe a Norwich

Pedímoslle ao grupo de xente de 3º de ESO que viaxou a Norwich no mes de marzo que nos contara que tal lles fora na súa viaxe. Cinco rapazas que formaban parte da académica expedición tiveron a ben atender o noso requerimento e contestaron. E vaia se contestaron: en bilingüe, para que quede claro que sacan proveito do aprendido e non andan por aí perdendo o tempo. Así que o equipo da biblioteca agradécelles a Cristina, Celia, Andrea, Irene e Marta o seu minucioso relato da estancia en Norwich, feito, como poderedes comprobar inmediatamente, co esmero e rigor que cabe esperar dunha crónica periodística.

Saímos de Coruña o 27 de marzo despois de comer. Chegamos a Heathrow preto das catro, e despois collimos un bus e chegamos a Norwich tres horas máis tarde. Alí esperábannos as nosas familias para logo levarnos ás casas.
Todos os días íamos á academia desde as 9:00 ata as 12:30 da mañá, cun recreo polo medio. Estabamos cun grupo de madrileños e dividíronnos en tres grupos. Nas clases facíamos xogos e actividades como contruír o noso país. Ao saír da academia tíñamos unha hora e media para comer os packed lunch que nos daba a familia e dar un paseo pola cidade. Vimos unha das catedrais, o castelo, o río, a parte antiga da cidade, centros comerciais…
Logo deste tempo libre facíamos un tour por Norwich co noso guía Matt. E cando rematábamos, tíñamos un pouco de tempo libre, no que  a maioría ía de compras, ata que collíamos os nosos respectivos buses para ir cear coas familias.
O mércores erguémonos máis pronto do normal para coller o bus cara Londres. Facía moi bo tempo pero cando íamos comer comezou a chover. Visitamos o Buckinham Palace, St. James Park, o Big Ben, o parlamento, Westminster Abbey, Covent Garden, Picadilli, Trafalgar Square, o London Eye e a torre de Londres.
O venres levantámonos máis tarde e as nosas familias leváronnos ao punto de encontro no que collimos o bus para ir a Heathrow.


Trip to Norwich

We left Coruña on 27th March after lunch. We arrived at Heathrow at four o’clock, and then we took a bus and went to Norwich three hours later. There the families were waiting for us to take us home.
Everyday we went to the academy since 9:00 to 12:30 in the morning. We had a break in the middle of the lessons. We were with a group of students from Madrid and they divided us in three groups. In the lessons we played games and activities like build our country. When we left the academy, we had an hour and a half to eat the packed lunch that the family gave us and a walk around the city. We visited the cathedral, the castle, the river, the old part of the city, shopping centers…
After this free time we did a tour around Norwich with our leader Matt. When we finished it, we had another free time, in which the most of us went shopping, until we took our buses to have dinner with the host families.
On Wednesday, we got up earlier to catch the bus to London. The weather was great but when we were going to have lunch it started to rain. We visited the Buckinham Palace, St. James Park, the Big Ben, the parliament, Westminster Abbey, Covent Garden, Picadilly, Trafalgar Square, the London Eye and the London Tower.
On Friday we got up later and our families took us to the meeting-point where we took the bus to Heathrow.
Related Posts Plugin for WordPress, Blogger...