Le o primeiro capítulo de "¡Abajo el colejio!"

Procedencia da imaxe

Unha das novas adquisicións da nosa biblioteca, ¡Abajo el colejio!, de Geoffrey Willans e Ronald Searle, é o que di un libro gamberro. O seu protagonista, Nigel Molesworth odia  o seu colexio, o San Custodio, fundado segundo nos conta "por un lunático no 1836" e no que estuda en réxime de internado el mesmo, o seu compinche Peason e o seu irmán pequeno, Molesworth-2. Outra bête noire do protagonista é a ortografía pola que sente unha falta de respecto total e absoluta. Lede como proba o comenzo do primeiro capítulo:

Yo soy este, nigel molesworth, el terror de San Custodio que es mi colejio. Es un sitio húmedo y cutre como voy a dejar claro (espero), aunque en realidad todos los colejios son iguales. En San Custodio hay bastonazos, latín, geografía, historia, mates, geometría, direztores, un perro que vive en el colejio, salchichas misteriosas, mi hermano molesworth-2 y sobretodo profes por todas partes. Lo único bueno de el colejio son los chicos que son nobles y valientes y no le tienen miedo a nada aunque tanbién hay enpollones, habusones, barbilindos, gordos y palurdos con los que no me queda mas remedio que tratar. En realidad el colejio es un balle de lágrimas. COMO BERÁS A CONTINUACIÓN.
 

Procedencia da imaxe

 Fonte: El País / blogs Cultura

Clicando no seguinte enlace podes acceder ao primeiro capítulo deste clásico da literatura infantil británica, por cortesía da editorial Impedimenta. E se o queres ler completo, retírao da sección de novidades da biblioteca.

"Hijos del ancho mundo", "El festín de Babette" e "¡Abajo el colejio!", novidades deste outono

Tres títulos acabo de incorporar ao noso taboleiro de Novidades en Pinterest, todos eles moi, moi atractivos: "Hijos del ancho mundo", de Abraham Verghese, "El festín de Babette", de Isak Dinesen, e ¡Abajo el colejio!, de  Geoffrey Willans e Ronald Searle. Todos están á vosa disposición na mesa de Novidades da biblioteca.
 

Procedencia da imaxe

  

Procedencia da imaxe

 

Procedencia da imaxe

 

Diario de lectura de "A evolución de Calpurnia Tate"

Vede aquí unha copia dixital do diario de lectura de A evolución de Calpurnia Tate para clubistas rezagados/as que non recolleron a súa  copia impresa na última reunión do Club de Lectura. Clicade na imaxe para obter un pdf do diario completo e lembrade que non tendes por que cubrilo de pe a pa: abonda con que anotedes un par de citas, ou tres,  que sexan substanciosas e dignas de recordar.

Diario de lectura de "Fahrenheit 451"

Este post vai dirixido á xente do club de lectura "María Casares" que aínda non ten o  seu exemplar do diario de lectura de "Fahrenheit 451". Se clicades na imaxe accederedes a un pdf co diario completo. Lembrade que non tendes que cubrir todos os espazos que vos reservamos para citas: con tres ou catro chega. Logo, con todas as vosas aportacións, procuraremos elaborar unha presentación que publicaremos neste blog.

Chegaron os reforzos de "Fahrenheit 451"

As bibliotecas municipais de Oleiros enviáronnos xa os seis exemplares de Fahrenheit 451 que precisabamos para atender a demanda do club de lectura. Así que xa o sabes,  clubista, se ainda non tes o teu exemplar, ponte en contacto con María Xesús (LC1) e empeza a ler canto antes esta interesantísima obra de Ray Bradbury.

O concello de Paradela tamén vos invita a escribir e concursar

Xa sabedes que sempre que podo vos transmito as amables invitacións a ler, escribir e concursar que de vez en cando me chegan ao correo electrónico. A derradeira procede do concello de Paradela, que vos dá de prazo ata o 30 de novembro para participar na XX edición do seu certame Manuel Orestes Rodríguez López. Tendes dúas modalidades, narrativa e poesía, a escoller, e un primeiro premio para cada unha delas de 600€.

Procedencia da imaxe

Bases do certame Manuel Orestes Rodríguez López

Lalín convoca unha nova edición do concurso "Dillo a quen maltrata"

  O Concello de Lalín invítanos  a participar nunha nova edición dos concursos de cartas e tuits contra a violencia de xénero.  Para o primeiro, o concurso de cartas, temos que escribir iso, unha carta sobre o tema da violencia contra as mulleres, que ocupe como máximo dous folios en letra tipo Arial e tamaño 12, e enviala ao concello de Lalín (mirade a dirección e a ficha de inscripción no link que vos poño ao remate do post) antes do 5 de novembro.

Para o concurso de tuits temos algo máis de tempo, ata o 12 de novembro. Ata ese momento poderemos enviar os nosos tuits co hastag #lalinsenviolencia e facer mención da nosa participación a @eigualdad e a @ConcellodeLalin.
Imprescindible que leades as bases de cada un dos concursos premendo nos links seguintes:
Bases do concurso de cartas e ficha de inscripción
Bases do concurso de tuits

O Club de Lectura (nivel 1) comenzou a ler "A evolución de Calpurnia Tate"

A eficacia e xenerosidade   das bibliotecas municipais de Oleiros permitiu que todos os socios e socias do  Club de Lectura (nivel 1) dispuxesen rapidamente dos dez exemplares da obra de Jacqueline Kelly que precisaban para dar comenzo á aventura lectora do presente curso. Conste que os ánimos están moi altos, como podedes comprobar no documento gráfico que incorporo a este post e que mostra as caras felices dos e das "clubistas" o día da súa primeira reunión, o pasado xoves 16 de outubro.

Procedencia da imaxe

Cambio de plans: o Club de Lectura lerá "Farenheit 451"

Procedencia da imaxe

Novela de xadrez queda para máis adiante, cando consigamos xuntar todos os exemplares que precisamos. E  polo mesmo camiño vai La bibliotecaria de Auschwitz, obra tamén moi apetecida pol@s clubistas,  da cal nós só temos un mísero exemplar e as bibliotecas municipais catro, todos prestados. Así que arrancaremos con Farenheit 451, de Ray Bradbury, unha das máis famosas distopías literarias e unha obra da que me atrevo a dicir que hai que ler antes de cumplir os 18. Vaia un mundo de pesadelo nos pinta Ray Bradbury nesta novela. Imaxinádevos: os libros están prohibidos por orde gobernamental porque a xente que le é un perigo, igual se lle dá por pensar e volverse crítica contra os manda-mais. Así que se forma un corpo de bombeiros que ten como misión non apagar lumes senón provocalos empregando como combustible o papel dos libros. 451,  a temperatura á que o papel se inflama e arde, será precisamente o anagrama dese particular e nada atractivo corpo de bombeiros.

En 1966 François Truffaut adaptou esta novela ao cine. Non está demais, penso eu, que lle botemos unha ollada á escena inicial desta película "para entrar en ambiente". 

                          


Para saber máis sobre esta obra recoméndovos un artigo que apareceu en El País hai un ano: Un mundo sin libros: Farenheit 451

O calendario das e dos amantes da lectura