Vacacións de Nadal: tempo de ler e lecer

Alexey Kondakov, Kiev (procedendia da imaxe: recreoviral)

Aínda que non o pareza xa estamos en Nadal.
A felicitación deste ano fai referencia á vida cotiá e a utilización artística do fotoshop que fai o artista ucraniano Alexey Kondakov. A súa cidade, Kiev, aparece normalmente invadida polas súas orixinais instalacións artísticas.

Coma sempre, queremos recomendarvos libros que normalmente non podemos ler nas clases e que temos adquirido hai poucos días.

Xa sabemos que as vacacións son para lecer, para estar cos amigos e coa familia, mais de certo teredes tempo libre e ganas de ler e de regalar, por que non, libros aos vosos.

Velahí tedes unha mostra que podedes coller na biblioteca. Xa sabedes que dende o venres podedes levar 3 libros (ou cómics, ou películas, ou música...) para as vacacións.

Bó Nadal a todos e feliz aninovo 2016.

 Os novos e clásicos Astérix e Obélix atópanse editados en galego, mais Mortadelo e Filemón aínda non están traducidos, ... e van xa moitos...
Ibáñez afronta a realidade deste mes de decembro: eleccións!

Podedes atopar tamén o DVD A esmorga, baseado na novela de Blanco Amor que hai que ler en Bacharelato.

Un ensaio que recolle as cartas entre Emilia Pardo Bazán e Pérez Galdós axudará aos de 4º de ESO e aos de 2º de Bacharelato a entender e recordar (sobre todo iso) algo mellor aos autores do Realismo:

 Dende o Departamento de Matemáticas tamén queren que leades e que apliquedes á vida o que aprendedes nas aulas. Denso pero abarcable (para os maiores) este ensaio divulgativo de Edward Frenkel.  
                                                 

Non é unha novidade, mais xa sabedes que nos gusta innovar: Mary Shelley escribiu en 1821  a súa novela Frankenstein o el moderno Prometeo e nós queremos ter edicións diferentes deste clásico que ledes en Literatura Universal. Engade un comentario de Joyce Carol Oates e ilustracións de Lynd Mard:

Seguindo coa época, non queremos deixar pasar a oportunidade de completar información e de ter unha óptica distinta. A orillas do lago Leman, en Suiza, xuntáronse os máis grandes autores do Romanticismo inglés (Shelley, Mary Shelley, Lord Byron, Polidori) e idearon alí as súas historias de fantasmas, vampiros e seres excepcionais coma Frankenstein... Atopamos esta novela de William Ospina, a ver si vos gusta!

Como non podemos esquecer as vosas preferencias, traemos unha obra seria (ma non troppo) de Wyoming

Inés Varela, de 4º B, recomenda "Las ventajas de ser un marginado"

 Inés Varela Sixto envíanos por correo electrónico esta recomendación de lectura que agora compartimos con vós.

 

Procedencia da imaxe

 

Las ventajas de ser un marginado, de Stephen Chbosky.

Un niño de 15 años que se llama Charlie sufrió mucho tras la pérdida de su mejor amigo, que se suicidó. Además, en casa, su hermana es la popular del instituto y su hermano está triunfando en el mundo del fútbol americano. Un día Charlie conoce a Sam y Patrick y se enamora perdidamente de Sam. Empieza a experimentar la vida de un adolescente y le ocurren cosas y situaciones nuevas. Y los tres van en busca una canción perfecta. Al mismo tiempo, la historia de la muerte de su tía favorita, Helen, da un giro inesperado a la vida de este joven.

Baseándose nesta obra, en Hollywood fixeron unha película co mesmo título que obtivo boas críticas de expertos e público en xeral, e un cantos premios.

"Para ler e encantar", guía de lectura das bibliotecas municipais de Oleiros

Como en anos anteriores, as bibliotecas municipais de Oleiros publican unha guía de libros e  discos que poden acompañarnos este verán. Nesta ocasión titúlana "Para ler e encantar" e está cheíña de suxestións aproveitables para distintos gustos e  idades. Invítovos (sáeme de balde) a que leades a entrada completa do blog Bibloleiros na que se informa da aparición e os contidos da revista-guía da que vos estou falando ( só tendes que premer nalgún dos links que vou deixando por este post). E invítovos tamén (outra vez me sae de balde) a que vos animedes a pasar por calquera das magníficas bibliotecas municipais para pillar  unha copia da guía e/ou  o feixe de libros e discos por vós escollidos.

E no seguinte enlace a mismísima guía en formato dixital:

Para ler e encantar: guía de suxestións para o verán 2013

Sabela Cobelo, de 1º de ESO C, recomenda "Bad Pat brujas a medianoche"

Lin este libro o ano pasado porque me chamou a atención na librería na que o merquei. Se queredes lelo, podedes ir tamén a unha biblioteca. Levoume cerca dun mes lelo, por culpa dos deberes que me ocupan moito tempo , e ademais entretíñame con outras cousas.

Este libro ten moita intriga: a cada páxina queres saber que pasa despois. É do xénero que me gusta: de aventuras, cun pouco de risa, tamén cun pouco de medo...É dicir, de todo un pouco menos de tristeza.
Trata sobre a malvada bruxa Amanita que raptou a Rebeca e quere convertela... ¡Na súa nova aprendiz! Sorte que aos seus irmás Martín e Leo e á súa mascota Bat Pat se lles ocorreu unha idea (un pouco aloucada) para rescatala e conseguir que todo volva á normalidade. (¡¡Cruzade os dedos!!...)


Recoméndolle este libro a tódalas persoas, porque antes de lelo, eu non era moi apaixoada da lectura, así que aínda que non vos guste ler libros eu de vosoutros o lería. Se vos gusta, hai moitos libros desta colección que podedes ler, por exemplo: “El vampiro bailarín”, “Los monstruos acuáticos”, “La casa embrujada”, “Nunca bromees con un samurai”, “La abuela de Tutankamón”, e moitos máis.


Lede algún, seguro que vos gustará moito.

Que ler en marzo

Amigas e amigos do Club de lectura María Casares, prometinvos nunha pasada reunión que ía publicar unha enquisa neste humilde blog para escoller que libro vai sustituír a La isla de los delfines azules. E se eu prometo algo, hai algunhas posibilidades de que se me vaia o santo ao ceo, é unha  boa e dolorosa verdade, pero ás veces non, as veces lémbrome. Como esta, por exemplo. Porque non só teño xa publicada a  mencionada enquisa senón que, ademais, e por se fose pouco, nesta mesma entrada colocarei a relación de candidatos a "Libro do Mes de Marzo 2012" con links a fichas ou comentarios  de cada un deles, por se tendes a ben ver de que van, cantas páxinas teñen, que opinan deles os que xa os leron , etc, etc, etc. Que como elaborei esta lista? Moi fácil: en compañía de Pepe Taboada fun vendo e tomando nota dos títulos xeitosos que tiñamos na biblioteca do centro e dos que había varios exemplares.  Descartei os que eran lectura obrigatoria nalgún curso e aqueles que me pareceu que non encaixaban nos voso gustos lectores.

Pídovos logo que consultedes a relación dos libros que veredes a continuación, que vos informedes do que teñades a ben e que, unha vez ponderadas todas as opcións, votedes por aquel ou aqueles que consideredes mellores, por un ou dous, non máis. Cos máis votados, faremos unha segunda volta, como nas eleccións presidenciais francesas, que isto é importante, e non imos escoller unha obra calquera. Por fin, cando outra vez nos reunamos o día 24 de febreiro no segundo recreo, xa saberemos que libro é o gañador, o número 1, o "Libro de Marzo 2012 do club de lectura María Casares".

Postdata: Vota polos teus favoritos xa!



A chamada da selva, de Jack London

Durmindo sobre os espellos, de Jordi Sierra i Fabra

Harry Potter y el prisionero de Azkaban, de J. K. Rowling

Mi familia y otros animales, de Geral Durrell

Alicia en el país de las maravillas, de Lewis Carrol

Irmán do vento, de Manuel Lourenzo González

Contos por palabras, de Agustín Fernández Paz

Alexandra, de Lola Gándara

O príncipe da brétema, de Carlos Ruiz Zafón

Momo, de Michael Ende

Intercambio cun inglés, de Christine Nostlinger

Una luz en la marisma, de Javier Alfaya

Laura Gallego publicará "Donde los árboles cantan"

Procedencia da imaxe

Anunciábao "El País" hai uns días: Laura Gallego volve á literatura xuvenil coa novela titulada Donde los árboles cantan, que sairá á venda o 14 deste mes de outubro. Cópiovos a continuación un fragmento do post de Papeles Perdidos onde nos adiantan os contidos desta obra que seguro que moitos ansiarán ler.
 

Donde los árboles cantan, una historia de iniciación en la que mezcla géneros. Empieza como una novela de aventuras ambientada en Nortia, en el reino medieval, se interna de lleno en el terreno de la fantasía y sostiene una intensa historia de amor. Viana, la protagonista también sufre cambios importantes a lo largo de las 477 páginas de la obra. Educada como una dama para convertirse en la perfecta esposa, su destino cambia de manera radical y para siempre, cuando se cumple la amenaza de invasión de los bárbaros del norte sobre el reino.

Quen non queira esperar ata o 14, aquí ten un adianto para ir abrindo o apetito lector: o capítulo 8 de Donde los árboles cantan, En el que se cuenta el viaje de Viana a través del gran bosque y el sobresalto que sufrió junto al arroyo (pdf)

Que ler este verán (II)

Na biblioteca xuntamos un feixe pequeno de títulos recomendados por lectores e lectoras de todas as idades e tendencias e démoslle forma de folleto. Aínda que só ten dúas páxinas, paréceme que contén variedade abonda para satisfacer distintos gustos lectores. Pero, por se me engano (procuro non descartar nunca esta posibilidade),  vou incluírvos neste post algúns links que vos poden servir de inspiración extra se aínda non sabedes que ler nestes próximos e marabillosos meses de vacacións.

Primeiro un link de links que vos levará aos blogues das bibliotecas escolares de Galicia. Por estas datas comezan a publicar interesantes guías de lectura estivais.

Lecturas refrescantes: nada menos que 308 suxestións de libros, cds e dvds ao alcance da vosa man, xa que se trata da xenerosa proposta que poñen en marcha para este verán as bibliotecas municipais de Oleiros.

Xa dentro da nosa casa común, pásovos as propostas que publica Marisa, a profesora de galego, no seu blogue Enredando coas palabras. Co seu permiso, e unha vez que me poña diante dun ordenador máis preparado para a multitarea que este do que agora mesmo dispoño, publicarei neste blogue o contido do glog de Marisa.

E a continuación, a nosa proposta. Para vela en pantalla completa, premede "ver en pantalla completa", onde se non.

Open publication - Free publishing - More education

Antón Rodríguez recomenda a saga "El legado"

Antón, alumno de 1º da ESO, recomenda a lectura da saga "El legado". Se queredes ler o texto orixinal, publicado este curso no blogue La caracola, premede no seguinte link: Recomiendo la saga el legado. Aquí déixovos unha versión traducida por unha servidora, co permiso de Antón, por suposto.

Esta saga consta de catro libros: Eragon, Eldest, Brisingr e un cuarto que aínda non saíu.

Eragon ouvira falar dos Xinetes de Dragón, antigos gobernantes de Alagaësia, pero nunca se imaxinou que se convertería nun Xinete e que tería que loitar contra os homes de Galbatorix, malvado rei de Alagaësia, para acabar co seu reinado. Durante a historia coñece moitos e moi bos amigos, incluíndo a unha elfa, da que se namora.

É unha gran saga e o tres primeiros libros, que son os que  lin, gustáronme moito. Case me esquezo de dicirvos que tamén de fixo unha película do primeiro libro e, aínda que non a vin, sei que non recibiu moi boas críticas.

vía: La caracola

Volve Jane Eyre

"Hay libros, aquellos que se leen en un momento crucial de la vida, que sacan de nosotros nuestro mejor yo, o que nos ayudan a reconocer lo que somos y no lo que los demás quieren que seamos". A cita é de Elvira Lindo e está sacada do artigo que esta escritora publicou o domingo pasado no xornal El País a propósito da impresión que lle causou, sendo aínda unha nena de doce ou trece anos, a lectura de Jane Eyre, a xenial novela da  escritora inglesa Charlotte Brontë. A  protagonista desta obra é primeiro unha nena maltratada e despreciada que, cito a Elvira Lindo, "consegue manter a dignidade e o desexo de actuar segundo a súa conciencia". Logo convértese nunha muller apaixoada, valente e decidida que se enfronta a unha sociedade hostil, nada inclinada a respetar e ter en consideración ás mulleres, por moi listas que fosen, case poderiamos dicir que especialmente se eran listas. Di Elvira Lindo: "Me pregunto cuántas veces en la vida una mujer se ve forzada a ser Jane Eyre, a defenderse del atropello, de la falta de respeto, de la condescendencia, y cuánto hay que agradecerle su ejemplo de valentía y arrojo, aun cuando la realidad está en su contra desde el nacimiento". Remata a escritora gaditana invitando aos homes da súa xeneración, que se cadra non leron Jane Eyre por considerala "literatura de mulleres" a que se atrevan agora a lela. Eu, que  comparto de pe a pa o entusiasmo de Elvira Lindo por Jane Eyre, permítome invitarvos tamén a tod@s vós a que leades esta obra, se aínda non o fixestes. E, por que non, a que esteades atentos ao estreno por estas terras da nova versión cinematográfica da obra de Brontë: paréceme tamén moi atractiva. Déixovos o tráiler (en inglés) para que vos fagades unha idea.

Artigo completo: La mujer valiente, por Elvira Lindo

Paula Fernández recomenda "Tres hermanos", de Elizabeth George

procedencia da imaxe

Paula Fernández Rivera de 3º C tivo a amabilidade de nos enviar a reseña dunha das súas últimas lecturas. Trátase da obra de Elizabeth George titulada Tres hermanos. Cópiovos a continuación a reseña e aproveito para vos invitar a seguir o exemplo de Paula e Lucía e contarnos que libros ledes, cales vos  gustan  máis e por que. Xa o sabedes, pero repetímolo: estaremos encantadas de publicar as vosas colaboracións neste blogue

Me gustó mucho porque era otro tipo de lectura distinta a la que estaba acostumbrada, ya que hablaba de temas nuevos para mí, que nunca había leído en ningún libro de clase. Además creo que sirve de ejemplo para saber lo que está bien y lo que está mal y el problema gravísimo que causan las drogas en las personas. También cómo los distintos tipos de personas y razas intentan convivir en la misma sociedad. Cómo un familia tan problemática pone todos los medios que tiene para que todo salga bien y aún así las cosas salen mal y la vida se hace todavía más dura para los personajes de esta novela

Diario de un adolescente sensato

Procedencia da imaxe

Nos anos cincuenta fixeron furor os discos dedicados. Funcionaban tal que así: chamabas á emisora de radio, seleccionabas unha canción de entre as que che propoñían, indicabas a quen querías dedicarlla,  pagabas unhas cinco pesetas e listo: no programa correspondente aparecía a túa dedicatoria xunto con outra pila delas precedendo á emisión da canción seleccionada. Vén a conto o asunto este dos discos dedicados a que levo uns días pensando en lle dedicar un libro, ou máis ben o post do libro, a dúas rapazas de 1º de ESO, Danna e Sara, que hai uns días se interesaron por esta obra da que vos vou falar. Titúlase o tal libro O diario secreto de Adrián Mole, da escritora inglesa Sue Towsend. O seu protagonista é un rapaz de algo máis de 13 anos, un pequeno filósofo resignado, un estoico, que leva un diario no que anota os pormenores da evolución dos seus granos, dos que ten en abundancia, o nacemento do seu amor por Pandora e as relacións cos seus desastrosos pais, entre outros temas. Planeta Lector ofrécenos a seguinte sinopsis do libro, que copio porque lin este libro hai moito tempo e lémbrome de que me pareceu moi divertido pero esquencéronseme os detalles:

  Adrian Mole tiene trece años y medio. También tiene un padre de cuarenta años que no sabe dónde está la parada del autobús, una madre indecisa entre su marido y un vecino, una abuela a la antigua usanza, un compañero que le extorsiona, un perro, una amiga que no parece derretirse por su amor y varias revistas de chicas bajo el colchón. Con un corrosivo sentido del humor, Sue Townsend transcribe las cáusticas impresiones de un adolescente en su diario secreto. 

Igualiño que pasaba cos discos dedicados, que llos dedicaban, perdonádeme a redundancia, a unha persoa pero podíaos escoitar todo o mundo, así este libro que lles recomendo a Danna e Sara  pódeo ler calquera. Non ten máis que acercarse pola biblioteca e coller un dos dous exemplares dos que dispoñemos, un en galego e outro en castelán e podedes atopalo tamén en todas as bibliotecas do concello (comprobeino).

Páxina web do libro (en inglés)

Silvia Lage recomenda "La Emperatriz de los etéreos", de Laura Gallego

Silvia Lage, alumna de 2º de ESO, envíanos por correo electrónico unha recomendación de lectura que con moito gusto reproducimos a continuación:

Yo os recomiendo el libro "La Emperatriz de los Etéreos" de Laura Gallego
El libro trata de una chica que vive en su pueblo de las montañas y que desde pequeña se lleva mal con un chico de su tribu .Con el tiempo ella se volverá una mujer y él  acabará siendo su promentido. El problema de este chico es que de pequeño había oído hablar de un mundo en el que la gente era etérea, nunca tenía necesidades, y tenían como reina a la Emperatriz de los Etéreos.Un día el chico se escapa de casa buscando a la emperatriz para que le conceda el honor de ser etéreo y, cuando se entera la chica, sale en su busca . En su partida tendrá muchas dificultades para llegar porque solo el que desea ser  etéreo llega a esos mundos. Como el chico deseaba ser etéreo, le sacaba ya ventaja pero ella seguía adelante en busca de su amigo. Por el camino, con todos sus problemas , un día se da cuenta de que se está volviendo ella tambien etérea y que, si prosiguen su busca, pueden llegar a desaparecer del mundo para siempre. 

Cópiovos a primeira frase do libro:

Cuentan que, más allá de los Montes de Hielo, más allá de la Ciudad de Cristal, habita la Emperatriz en un deslumbrante palacio, tan grande que sus torres más altas rozan las nubes, y tan delicado que parece creado con gotas de lluvia.

Le o primeiro capítulo completo de La Emperatriz de los Etéreos
Visita a espectacular páxina web do libro

Á caza de lecturas

Javier Ruescas, escritor e colaborador da revista El Templo de las Mil Puertas, recomenda no seu blogue El cazador de libros varios títulos que polo visto leu e disfrutou recentemente. De entre eles,  selecciono  un, o mellor valorado: un 9'5 saca o tal libriño na estimación do escritor. Trátase do libro de Alessandra Clare titulado "Cazadores de sombras: los orígenes". Atendede ao comentario de Ruescas sobre esta obra que vos copio a continuación:

Maravilloso. De la autora sólo había leído el primero de Cazadores de Sombras, pero éste me ha gustado muchísimo más. Creo que a esta historia le pega mucho más la época victoriana y el toque Steampunk que el Urban fantasy. Los personajes, sobre todo Will, me han encantado. Quiero más, más, más...

Para máis suxestións de lectura, visitade El cazador de libros.

Relatos de amor para levar á praia

Avísovos de que uns cantos posts que me quedan por perpetrarvos antes de que remate este curso van ir de premios literarios. A que vén esta especie de ameaza? Que teñen de malo os premios literarios? Vaia por diante que eu penso que nada de nada. Ao contrario, os premios fan felices a moitas persoas. Para empezar, aos premiados, que vemos nas fotos das cerimonias felices e contentos recibindo o seu galardón; logo, aos da editorial, que aproveitan para vender libros, que é o seu, e Deus queira que lles vaia ben por moitos anos. E por último, aos lectores que mercan as obras premiadas e parecen pasalo ben léndoas.
Agora ben, dito todo o anterior, probablemente haxa criterios mellores para escoller unha lectura que o dos premios que teña recibido, claro que si, e convén que cada quén vaia formando os seus. Pero seguro que sabedes de sobra todo isto e podo pasar sen tanto preámbulo ao asunto que me traía hoxe aquí. O caso é que a Agustín Fernández Paz déronlle por O único que queda é o amor, primeiro o premio Xosé Neira Vilas ao Libro Infantil e Xuvenil e logo o Premio Nacional de Literatura Infantil y Juvenil do ano 2008. O libro leva unha boa tempada na lista dos máis vendidos de La Voz de Galicia e pareceume que podía ser unha moi boa recomendación para as vacacións que se aproximan. Como o seu título indica, en O único que queda é o amor, Agustín Fernández Paz volve a falar do amor, unha vez máis, que dicía a canción. A obra consta de dez relatos sobre ese tema eterno. Se clicades no título veredes unha relación de todos eles e un breve resumo dos seus argumentos (lamentablemente, tamén se contan o desenlaces). A continuación, un deses resumos (sen o desenlace, claro):

Unha historia de fantasmas: lembra unha narradora feminina de cando facendo o camiño de Santiago dende Pamplona un home contou á noite na pousada dun accidente de coche que deixou viúva e sumida na tristeza e soidade a unha muller. Até que empezou a sentir a presencia do marido na casa, que logo se fixo real nas flores que alguén levara, e mesmo no libro de Valente que atopou aberto enriba da cama co poema que ela tantas veces lle lera. Intenta a narradora ao día seguinte falar co relator da historia, mais desaparecera...

Recomenda un libro

-Elixe un libro que che guste para comentar ou para recomendar aos demáis.

-Redacta unhas liñas sobre el (argumento, estilo, opinión persoal, crítica…)

-Deixa a túa recomendación na bandexa que hai na biblioteca.

-Publicaremos as vosas recomendacións de lectura.