22/12/13

Felices festas e que viva o 2014!


O club de lectura do IES María Casares (na imaxe unha presiña de compoñentes) e o equipo da biblioteca desexámosvos a todos e todas que nos visitades de cando en vez  unhas felices festas e un ano 2014 cheo de  alegría.
En xaneiro volvemos con máis lecturas!

19/12/13

"Queres ler connosco?", a guía de lecturas para este Nadal das bibliotecas municipais de Oleiros



http://www.oleiros.org/c/document_library/get_file?p_l_id=14092&folderId=122559&name=DLFE-16955.pdf

Por fin nos chegou por correo electrónico o boletín das bibliotecas municipais de Oleiros para este Nadal (clicade na imaxe para velo completo). Este ano titúlase "Queres ler connosco?" e vén cheo de propostas tan apetecibles como o turrón de chocolate (o meu favorito). Lede a continuación, if you please, a descripción que as responsables das bibliotecas municipais fan do contido do folleto:

  Trátase dunha selección de creacións de autoras e autores galegos, españois e internacionais, para distintos gustos,  intereses,  preferencias  e idades.  Boas historias e bos libros para ler, observar ou mirar, películas e discos para gozar e compartir. Desde as bibliotecas municipais ofrécese esta guía de lectura cun dobre obxectivo: presentar obras de calidade literaria, artística ou científica para animar a súa lectura, audición ou visionado e lembrar que un libro, un CD e un DVD son tamén un bo agasallo.
Son 281 libros, DVD e CD que hai nas bibliotecas municipais e que se poden levar en préstamo para as casas.

15/12/13

13/12/13

Exposición bibliográfica sobre María Casares

A páxina web do instituto (niso andaron máis agudos os seus autores que as responsables deste blog) anunciaba a semana pasada a inauguración dunha exposición bibliográfica que sobre a figura de María Casares temos desplegada na biblioteca. Tíñanme encargado que dera conta desa exposición neste noso humilde blog, pero un catarro inoportuno,  exames por corrixir e algunha que outra incidencia informática que non vén ao caso contar aquí apartáronme da tarefa encomendada. Así que un pouco tarde, espero que non mal nin a rastro, teño o gusto de vos deixar aquí unha mostra da mencionada exposición de María Casares, cuxa biografía ocupa o número 10000 dos rexistros do noso catálogo. Espero que esta pequena mostra  sirva como compensación a tanta parsimonia e tardanza.



Eu nacín neste curruncho de terra que dá a espalda ao continente, pero que recibe aos peregrinos de Santiago de Compostela; na Coruña, vila peninsular anicada  nunha baía, punta do nariz que a península ibérica introduce no Atlántico.



Lembro o regreso da praia de Bastiagueiro, en Montrove. Subiamos por unha costa abrupta uns atrás doutros, derreados, baldados, nesa relaxación total que proporcionan os baños de sol e de mar batido.


Entón, a sorte estaba botada e cando menos tres cousas ficaban claras. Perderamos España. Transformárame, coma os meus pais, nunha refuxiada en Francia. E estaba decidido que me había dedicar ao teatro.


Púxenme mans á obra. Lanceime a  rachar con esta fermosa lingua que aínda se me escapaba; axexeina, forceina, pasei meses a saqueala, a devastala, para mastigala mellor e facela miña.





9/12/13

"Almogávar sin querer", de Fernando Lalana, chega de Bizancio ao Recuncho de Libros Libres

Chegounos hai uns días á nosa biblioteca unha xenerosa donación anónima de libros que, en parte, incorporaremos aos nosos fondos e, en parte, iremos depositando no Recuncho de Libros Libres. Empecemos por "Almogávar sen querer", de Fernando Lalana e Luis A. Puente.

Procedencia da imaxe
Cópiovos da cuberta posterior do libro un breve resume do seu contido:

A principios del siglo XV enamorarse de la persona no indicada puede traer terribles consecuencias. El joven Garcés tendrá ocasión de comprobarlo cuando, por causa de un amor prohibido, se verá obligado a cruzar el Mediterráneo para protagonizar una de las páginas más asombrosas y novelescas de la historia de la humanidad: la gesta de los almogávares en Bizancio.




Related Posts Plugin for WordPress, Blogger...