O Club de Lectura despídese con festa

Non estabamos todas (nin todos) as que somos pero as  ausencias estaban ben xustificadas: dúas  actividades extraescolares, unha delas en Alemaña, nada menos. En fin, Sara Cotelo insistiu en que eu tamén posara para as fotos de despedida e aí estamos todas e todos, que se di agora, no remate da festa que celebramos o pasado día 19 no segundo recreo. Esta vez case non tivemos tempo nin xeito de   falar de libros (xa sabedes: 20 minutos non dan para moito e falar coa boca chea non está ben visto)  pero penso que a todos nos quedou clara unha cousa:  o próximo curso volveremos e retomaremos a nosa xa longa conversa sobre libros e autores. Ata ese momento, o club de lectura deséxavos a todas e todos  improbables lectores deste blog un feliz verán. 

Para leer a Gabriel García Márquez: "Del amor y otros demonios"

Outra obra de García Márquez para ir collendo ideas de cara ao verán. Esta vez trátase dunha noveliña que o autor colombiano publicou hai vinte anos, en 1994. Dun dos exemplares que temos á vosa disposición na biblioteca copio o seguinte texto:

El 26 de octubre de 1949 el reportero Gabriel García Márquez fue enviado al antiguo convento de Santa Clara, que iba a ser demolido para edificar sobre él un hotel de cinco estrellas, a presenciar el vaciado de las criptas funerarias y a cubrir la noticia. Se exhumaron los restos de un virrey del Perú y su amante secreta, u n obispo, varias abadesas, un bachiller de artes y una marquesa. Pero la sorpresa saltó al destapar la tercera hornacina del altar mayor: se desparramó una cabellera de color cobre, de veintidós metros y once centímetros de largo, perteneciente a una niña. En la lápida apenas se leía el nombre: Sierva María de Todos los Ángeles. «Mi abuela me contaba de niño la leyenda de una marquesita de doce años cuya cabellera le arrastraba como una cola de novia, que había muerto del mal de rabia por el mordisco de un perro, y era venerada en los pueblos del Caribe por sus muchos milagros. La idea de que esa tumba pudiera ser la suya fue mi noticia de aquel día, y el origen de este libro.» «Un perro cenizo con un lucero en la frente irrumpió en los vericuetos del mercado el primer domingo de diciembre, revolcó mesas de fritangas, desbarató tenderetes de indios y toldos de lotería, y de paso mordió a cuatro personas que se le atravesaron en el camino. Tres eran esclavos negros. La otra fue Sierva María de Todos los Ángeles, hija única del marqués de Casalduero, que había ido con una sirvienta mulata a comprar una ristra de cascabeles para la fiesta de sus doce años.»

             

Nuria Mexuto Bautista gaña o primeiro premio no concurso de relatos do Centro Oceanográfico de Vigo

 

Procedencia da imaxe

 O pasado 5 de xuño recibiamos a boa nova de que unha alumna de 2º de ESO do noso instituto, Nuria Mexuto Bautista,  acababa de recibir nada menos que o primeiro premio do concurso de relatos que convocara o Instituto Oceanográfico de Vigo para conmemorar o centenario do Instituto Español de Oceanografía. Nuria conseguiu tan honrosa posición na categoría xuvenil, modalidade relato, cun conto titulado "O espello da vida". A listaxe dos demais premiados podedes vela premendo neste link. A nós só nos queda darlle os nosos parabéns a Nuria, cousa que facemos de todo corazón.

 

"Divergente" e "Insurgente" chegan á biblioteca

Respondendo a unha petición unánime do club de lectura, incorporamos aos nosos fondos os dous primeiros títulos da famosa saga de Verónica Roth  Divergente e Insurgente. En camiño están outros dous exemplares destes títulos e un de Leal, o  que nos queda para completar o trío de ases da escritora norteamericana.

En Página Dos, o programa de libros de TV2 podedes contemplar un vídeo con entevistas aos actores e director da versión cinematográfica de Divergente  así como o tráiler en castelán da cinta. Eu intentei incrustar o tal vídeo neste blog pero nin por esas. Menos mal que sempre nos queda youtube como fonte case inesgotable de tráilers diversos.