El árbol de las mentiras, de Frances Hardinge

  

procedencia: The Guardian

 Frances Hardinge é unha novelista inglesa que se deu a coñecer con Fly by Night. De nena viviu nunha casa enorme, vella e solitaria, aillada no cumio dun outeiro onde a paisaxe e os oubeos que trae o vento inspiraron as súas primeiras historias.

     Con El árbol de las mentiras crea unha historia de misterio e de medo (só un pouco) na que a protagonista, Faith, intenta descubrir a verdade que envolve a morte do seu pai. El foi un naturalista que apareceu morto en extrañas circuntancias... A xente da aldea di que foi un suicidio.

     O máis raro deste libro é que hai unha árbore que se alimenta de mentiras, as que a xente lle susurra, e da como froitos os secretos ocultos que non sempre poden ser revelados... De aí o título tan extraño. É a árbore favorita do seu pai, a que coñece todos os seus secretos e, probablemente, o que está agachado detrás da súa morte...

Procedencia: Editorial Bambú

     Inclúe unha cita ao principio (a edición é en castelán, con tradución de R. Vilagrassa) moi interesante:

"A mi padre, por la sabiduría silenciosa y por la integridad, y por haberme respetado como adulta desde mucho antes de que lo fuera."

     A edición desta novela inclúe ilustracións feitas por Chris Riddell, escritor e humorista gráfico que colabora no The Observer e nas novelas de Neil Gaiman (El libro del cementerio...). Desde último falaremos noutro post xa que o está proposto no Club de Lectura de 2º de ESO.

Procedencia: thebookpeople.co.uk

Aventuras desde un sofá

Qué es una aventura

More PowerPoint presentations from CarlosCastano

Os alumnos e alumnas de primeiro de ESO andan estes días a voltas coa novela de aventuras: que se un heroe como protagonista, que se un antagonista que estea á altura, que se unha viaxe, que se acción a punta pala, etc, etc, etc. É inmensa a capacidade que teñen os libros de texto, moitos deles polo menos, de facer aburrido o tema máis apaixoante. Imos botarlles logo unha man desde este blogue á xente de primeiro con dúas suxestións que lles fagan máis lixeira a carga de traballo e, a poder ser, que lles permitan entrar no moi concorrido club dos amantes das novelas de aventuras. A primeira, a presentación que precede estas liñas: amena, completa e co reforzo de imaxes que sempre axuda a fixar na memoria os tantas veces engorrosos contidos.

E a segunda, a que nos vai permitir saber aínda máis, pero moito máis, sobre as novelas de aventuras, é un blogue dedicado de pe a pa a este xénero literario. Chámase  novelasdeaventuras.blogspot.com. e ten unha lista exhaustiva de títulos e autores, biografías, portadas das edicións máis populares, links ás obras completas (moitas en inglés) ou primeiros capítulos, vídeoclips de películas baseadas nas novelas comentadas. En fin, que de alí non sairedes sen levar na cabeza polo menos media ducia de títulos para ler urxentemente.

A imaxe pertence ao blogue novelasdeaventuras