XXXII Certamen literario de Roquetas de Mar

A xefa do departamento de Lingua Castelá do IES Sabinar envíanos un correo electrónico no que moi amablemente nos informa de que teñen convocado o "XXXII Certamen literario Roquetas de Mar" e pídenos que vos avisemos para que vos poñades en marcha e vos animedes a participar. Tendes que ter entre 14 e 20 anos e estar matriculados nun centro educativo. Como en anos anteriores, o certame ofrécevos dúas opcións: poesía ou relato. O prazo para entrega dos traballos remata o 31 de marzo. Déixovos a continuación o vínculo ás bases e o ofrézovos, como vén sendo habitual nestes casos, a colaboración do equipo da biblioteca aos e ás que queirades participar.

Bases do "XXXII Certamen Literario Roquetas de Mar"

Inés Varela, de 4º B, recomenda "Las ventajas de ser un marginado"

 Inés Varela Sixto envíanos por correo electrónico esta recomendación de lectura que agora compartimos con vós.

 

Procedencia da imaxe

 

Las ventajas de ser un marginado, de Stephen Chbosky.

Un niño de 15 años que se llama Charlie sufrió mucho tras la pérdida de su mejor amigo, que se suicidó. Además, en casa, su hermana es la popular del instituto y su hermano está triunfando en el mundo del fútbol americano. Un día Charlie conoce a Sam y Patrick y se enamora perdidamente de Sam. Empieza a experimentar la vida de un adolescente y le ocurren cosas y situaciones nuevas. Y los tres van en busca una canción perfecta. Al mismo tiempo, la historia de la muerte de su tía favorita, Helen, da un giro inesperado a la vida de este joven.

Baseándose nesta obra, en Hollywood fixeron unha película co mesmo título que obtivo boas críticas de expertos e público en xeral, e un cantos premios.

"La biblioteca recomienda"

Teño o gusto de vos presentar hoxe un "escaparate virtual de libros para todos os públicos" ao que esta biblioteca se apuntou hai xa un tempo. Chámase La biblioteca recomienda e anúnciase como "punto de encontro para mediadores da lectura, bibliotecarios e docentes". Está en Pinterest, a onde de vez en cando nos asomamos para ver e que nos vexan, e conta con 23 taboleiros con recomendacións lectoras divididas por idades, xéneros, soportes, etc. Moi recomendable.

10º concurso de fotografía Xurxo Lobato 2014

Se o teu é mais ben a imaxe e a súa maxia, que tamén a ten ( aínda que por estes pago mólannos máis as palabras), temos un concurso para ti. Concretamente, e agora mesmo,   podes participar no Xurxo Lobato de fotografía, que vai pola décima edición e que no pasado premiou traballos de alumnas deste centro. Eu vin a noticia deste concurso na páxina web do centro, sección "eventos" e alí vos remito para máis información. E máis no Facebook do concurso. Con todo isto e coas bases que podes ver a continuación, non che queda máis que pillar a cámara e poñerte en acción.

Premios "Minerva" 2014: concursa, que algo queda

O colexio Peleteiro, de Santiago, convoca os premios literarios Minerva 2014. Así que se tes menos de vinte anos, estudas 3º ou 4º de ESO, ou bacharelato, podes poñerte en marcha, agarrar lápis e papel e aparellar seis folios como máximo de narración, ou tres poemas, todo ilo de tema libre. Logo, mandas os froitos da túa inspiración á dirección que figura nas bases antes do 14 de marzo. E non digo máis porque non fai falla, que para iso están as bases, por un lado, e, por outro, a web do centro Peleteiro promotor do concurso. Por certo, de aí saquei a imaxe.

"Harry Potter and The prisoner of Azkaban" e "O cero escuro,de An Alfaya" no Recuncho de Libros Libres

Ás veces, o recuncho de libros libres pónsenos a tope de  bilingüe. Como por exemplo a semana pasada, na que arribaron a el dous títulos  moi ben considerados dentro da   literatura xuvenil: Harry Potter and The prisoner of Azkaban, de J. K. Rowling, (in English, of course), e O cero escuro, de An Alfaya (en galego, por suposto). Unhas palabriñas de cada un deles para que vos fagades unha idea do seu contido:   

Harry Potter and the Prisoner of Azkaban begins with Harry back at the Dursleys, where he sees on Muggle television that a prisoner named 'Black' has escaped. Harry involuntary inflates Aunt Marge when she comes to visit. This leads to his running away and getting picked up by the Knight Bus. He travels to Diagon Alley, where he meets Cornelius Fudge, the Minister of Magic, who asks Harry to stay in Diagon Alley for the remaining two weeks before the start of the school year at Hogwarts.

 Vía: Wikipedia

Nadia, unha rapaza de dezaseis anos, tímida e con problemas familiares, síntese coma un “cero escuro”. Pero as vivencias dun intenso fin de semana fan que experimente unha incrible metamorfose. 

 

Le o comentario completo desta obra redactado por  David Cabalaleiro no blog Trafegando ronseis.

Felices festas e que viva o 2014!

O club de lectura do IES María Casares (na imaxe unha presiña de compoñentes) e o equipo da biblioteca desexámosvos a todos e todas que nos visitades de cando en vez  unhas felices festas e un ano 2014 cheo de  alegría.
En xaneiro volvemos con máis lecturas!

"Queres ler connosco?", a guía de lecturas para este Nadal das bibliotecas municipais de Oleiros

Por fin nos chegou por correo electrónico o boletín das bibliotecas municipais de Oleiros para este Nadal (clicade na imaxe para velo completo). Este ano titúlase "Queres ler connosco?" e vén cheo de propostas tan apetecibles como o turrón de chocolate (o meu favorito). Lede a continuación, if you please, a descripción que as responsables das bibliotecas municipais fan do contido do folleto:

  Trátase dunha selección de creacións de autoras e autores galegos, españois e internacionais, para distintos gustos,  intereses,  preferencias  e idades.  Boas historias e bos libros para ler, observar ou mirar, películas e discos para gozar e compartir. Desde as bibliotecas municipais ofrécese esta guía de lectura cun dobre obxectivo: presentar obras de calidade literaria, artística ou científica para animar a súa lectura, audición ou visionado e lembrar que un libro, un CD e un DVD son tamén un bo agasallo.
Son 281 libros, DVD e CD que hai nas bibliotecas municipais e que se poden levar en préstamo para as casas.

Que ler no Nadal

Colle o teu folleto na biblioteca ou consúltao aquí clicando na imaxe!

Exposición bibliográfica sobre María Casares

A páxina web do instituto (niso andaron máis agudos os seus autores que as responsables deste blog) anunciaba a semana pasada a inauguración dunha exposición bibliográfica que sobre a figura de María Casares temos desplegada na biblioteca. Tíñanme encargado que dera conta desa exposición neste noso humilde blog, pero un catarro inoportuno,  exames por corrixir e algunha que outra incidencia informática que non vén ao caso contar aquí apartáronme da tarefa encomendada. Así que un pouco tarde, espero que non mal nin a rastro, teño o gusto de vos deixar aquí unha mostra da mencionada exposición de María Casares, cuxa biografía ocupa o número 10000 dos rexistros do noso catálogo. Espero que esta pequena mostra  sirva como compensación a tanta parsimonia e tardanza.

Eu nacín neste curruncho de terra que dá a espalda ao continente, pero que recibe aos peregrinos de Santiago de Compostela; na Coruña, vila peninsular anicada  nunha baía, punta do nariz que a península ibérica introduce no Atlántico.

Lembro o regreso da praia de Bastiagueiro, en Montrove. Subiamos por unha costa abrupta uns atrás doutros, derreados, baldados, nesa relaxación total que proporcionan os baños de sol e de mar batido.

Entón, a sorte estaba botada e cando menos tres cousas ficaban claras. Perderamos España. Transformárame, coma os meus pais, nunha refuxiada en Francia. E estaba decidido que me había dedicar ao teatro.

Púxenme mans á obra. Lanceime a  rachar con esta fermosa lingua que aínda se me escapaba; axexeina, forceina, pasei meses a saqueala, a devastala, para mastigala mellor e facela miña.