Quino e Mafalda nos corredores do IES María Casares

Non quixemos que rematase o ano sen deixar unha humilde mostra da nosa adminación polo humorista arxentino Quino e o seu eterno personaxe de Mafalda. De aí que vexades estes días os corredores do instituto tapizados de viñetas da contestataria nena arxentina. As que figuran a continuación son só dúas mostras do que vos estou contando.

Procedencia da imaxe

A continuación reprodúzovos o texto que acompaña á exposición, onde facemos un breve repaso da vida e obra deste xenial humorista arxentino.

QUINO

Joaquín Salvador Lavado Tejón, nado en Guaymallén, Arxentina, en 1932, enterouse de que se chamaba Joaquín cando a súa nai foi matriculalo na escola e sentiu que o falaban del con ese nome… (!)

Estudou Belas Artes e pronto comezou a súa carreira como debuxante gráfico, as súas tiras cómicas aparecían en anuncios publicitarios e en xornais, pero non lle foi fácil atopar traballo fixo. Colaborou con moitos xornais e revistas satíricas ata que chegou a tranquilidade económica, xa nos anos 60.

En 1963, a fábrica de electrodomésticos Mansfield contratouno para unha campaña publicitaria, Quino creou a súa famosa Mafalda (tiña que empezar pola M- da Mansfield), unha nena preocupada pola política mundial, polo absurdo da condición humana e moi crítica coa estupidez. Curiosamente, nunca foi empregada en publicidade, non gustou (!)

Mafalda e os seus amigos (Guille, Felipe…) viron a luz en xornais de Bos Aires dende 1964 ata 1967. En 1971 chegou a España e dende aquí a toda Europa.

De seguido foi adaptada a debuxos animados para cine e tv.

A despedida de Mafalda chegou no 1973 pero segue sendo un símbolo na loita polos dereitos humanos.

Mafalda é pesimista, ácida e irreverente na súa inocencia, pero ten sempre un fondo tenro, é unha humanista.