Aprende a navegar por Internet

Xa sei que vai haber xente á quen lle dea a risa o título deste post. Aprender a navegar por Internet a estas alturas?   Pero se non hai nada que aprender: vas a google, tecleas a palabra que queres buscar e tira millas. Pois non, vai ser que fai falla algo máis, que en Internet tamén hai quen navega con bo rumbo e vento en popa e outros que se estampan contra as ciberpedras cada dous por tres. E para non ser deste últimos, aconséllovos que vexades a presentación que aparece neste post. Ides atopar nela información sobre atallos, trucos, pistas, rutas seguras para movernos con soltura na rede. Elaborárona dúas profesoras: Olga Rodríguez, do CEIP Milladoiro, de Malpica, e Charo Sánchez-Gabriel, do IES Sánchez Cantón, de Pontevedra. Gracias ás dúas polo seu valioso traballo.






Vía: Blog das  Bibliotecas Escolares de Galicia