Os secretos de Donna Tartt

     

     Donna Tartt deuse a coñecer en 1992 coa publicación de El secreto, unha novela de iniciación protagonizada por un rapaz solitario e falto de cariño que escolle entrar nunha universidade moi alonxada do seu perdido pobo californiano. O que non sabe é que deixar aos seus pais e a súa vida anodina o fará entrar nunha espiral moi perigosa. 

     Elixe formar parte dun grupo selecto de estudantes de Literatura Clásica e, pouco a pouco, vaise decatando das estranas relacións de dependencia que hai entre os seus compañeiros e do terrible secreto que ocultan.

     A novela é un longo flash-back que parte do asasinato dun estudante do grupo pero a intriga permanece intacta ao longo do relato (e son 770 páxinas), xa que Donna Tartt non desvela nada, vai amosando as complicadísimas relacións entre os amigos, a influencia excesiva e maligna do profesor, o liderazgo oscuro dun dos rapaces protagonistas, os ritos dionisíacos que queren reproducir, a iniciación á vida adulta no campus universitario... A  intrincada rede de conflictos e de pequenos secretos interesa tanto ao lector que non pode deixar de ler unha novela hipnótica, psicolóxica, pero tamén de misterio e sobre todo crónica dunha xuventude que camiña sobre o fío dunha navalla sen saber que a vida pode pasar factura, mesmo que "sempre pasa factura".

     Dez anos despois, a autora publicou unha segunda novela, Un juego de niños, na que amosa a vida lenta do profundo sur dos Estados Unidos, onde ela naceu. Outra vez o mundo da adolescencia e da violencia: unha rapaza intenta esclarecer a morte do seu irmán.

      Non tivo tan boa acollida como a primeira novela mais o público americano agardou con paciencia outros dez anos para coñecer a que hoxe está sendo unha das obras máis lidas deste curso: El jilguero.

     Premio Pulitzer 2014,  El jilguero, malia súa extensión (máis de mil cen páxinas!), é outra novela hipnótica, de intriga, de iniciación, de aventuras, de misterio... Unha novela que ten cinco novelas dentro e que engancha ao lector como si fora unha obra curta. O estilo de Donna Tartt é moi sinxelo pero envolvente, aparentemente sereno pero cheo de matices que transmite ao lector. Ela sabe dosificar moi ben a información para termos enganchados dende a primeira frase.

     El jilguero parece  unha novela de aprendizaxe: o xove protagonista, que vive en Nova York coa súa nai, visita unha exposición na que a tabliña de Fabritius "El jilguero" chama a súa atención....

Non podemos decir máis, ainda que as reseñas do libro xa teñen desvelada a intriga principal, agás que a vida do protagonista experimenta unha convulsión dende o primeiro capítulo e que a acción é trepidante.

Club de lectura

O grupo de 4º de ESO celebrou unha reunión do Club de Lectura para falar e repartir o novo libro. En marzo, Enderezo descoñecido de Kressman Taylor. Escollimos unha obra curta e dinámica para poder dedicar as nosas forzas aos exames (e tamén á viaxe a Barcelona...), na edición de Xerais, traducida ao galego por Emma Lázare en 2005.

Esta novela foi publicada por primeira vez en 1938, nunha revista literaria, a autora, Katherine Kressman, decidiu escribila cando viu unha mala reacción entre uns homes que se saludaron en San Francisco, onde ela vivía  (en realidade, eran vellos coñecidos alemáns e un deles negou o saludo ao outro)
Púxose a ler todo o que caía nas súas mans sobre o que estaba a pasar en Alemaña. Asustada polo que foi lendo, creou unha novela epistolar onde recolle a correspondencia entre un xudeu que vive en San Francisco e o seu antigo socio que volveu a Alemaña e lle vai contando como cambian as cousas co novo goberno de Hitler, a quen el, ao principio, acolle con esperanza de que as cousas vaian mellor para o seu país.
Cando rematou o libro, o seu editor e o seu home convenceron á autora para que escollera un nome artístico xa que a historia era "demasiado dura para aparecer asinada por unha muller". Como podedes ver, os tempos eran ainda moi paternalistas coas mulleres, aínda que en moitos sitios as cousas non cambiaron moito, e mesmo aquí van dando unha volta para atrás. Así que Katherine firmou co seu nome e co seu apelido "de casada" (Si, nos Estados Unidos as mulleres perden o seu apelido cando casan...)

A obra tivo moito éxito pero en Europa foi incluida na lista de libros prohibidos. Hitler instituiu o "Reichkommisar" para impedir que se publicaran libros críticos co seu réxime político.
 Así que perdemos Enderezo descoñecido ata que algúns editores volveron a publicalo xa nos anos noventa do século XX.

No Ágora

Hoxe queremos presentarvos o Centro Ágora da Coruña. É un edificio diáfano, singular, onde o concello organiza recitais de poesía, representacións teatrais, concertos, exposicións... Ten unha boa biblioteca, unha boa hemeroteca, con sá de estudo e cafetería. Estes días estará Martín Casariego, falando da súa última novela El juego sigue sin mí con Pedro Ramos. Con esta obra, o novelista ven de gañar o Premio Café Gijón.Afirman que é unha novela de aprendizaxe, das que os adolescentes gustan tanto, na que o narrador, de 14 anos, está moi influenciado por un xove maior que el, quen lle da clases particulares...

E próximamente (para o 26 de marzo) esperan a John Banville, flamante último premio Príncipe de Asturias das Letras. O Ágora recolle a súa programación no enderezo:www.coruna.es/centroagora

Auschwitz: 70 anos da liberación

     O pasado 27 de xaneiro cumplíronse 70 anos da liberación dos prisioneiros no campo de concentración de Auschwitz, en Polonia. Era o fin da II Guerra Mundial.
     A ONU conmemora nesa data o Día Internacional en Memoria das Víctimas do Holocausto.
     Cando o exército soviético entrou no campo de exterminio de Auschwitz-Birkenau, o día 27 de xaneiro de 1945, as cámaras grabaron o horror: famélicos, cadavéricos, enaxenados, milleiros de homes e mulleres que sobreviviran ao extermínio, ás enfermidades e á fame...
     Máis de un millón de xudeus de todos os países europeos, xitanos, homosexuais e activistas políticos contrarios ao rexime nazi foron asasinados. A memoria da barbarie conforma unha insoportable realidade para a historia recente de Europa. O governo alemán de Adolf Hitler perpetrou un proxecto de aniquilación dunha raza, e de aproveitamento industrial dos seus prisioneiros de guerra (traballaban ata á extenuación para o III Reich, e cando xa non servían eran asasinados)
     Hoxendía o Campo de Auschwitz-Birkenau é un lugar que perpetúa a memoria do holocausto e que recibe visitantes de todo o mundo.
     Dende hai anos, o noso instituto participa nun intercambio co centro "Miguel de Cervantes" de Varsovia. Sempre programamos unha viaxe a Cracovia coa visita ao campo de Auschwitz-Birkenau, a pouca distancia da cidade. Moitos recoñeceredes estas fotografías que tomamos en setembro de 2012.
     Son imaxes do campo de concentración, dos edificios, da cámara de gas, dos hornos crematorios, da estación do campo de Bikernau (onde chegaban a diario dez mil persoas para traballar ata a morte)Sigue el tablero Auschwitz-Bikernau de Biblioteca IES María Casares en Pinterest.

     Comezamos o novo ano 2015 facendo unha achega  ao novo Premio Nobel de Literatura, Patrick Modiano.

  Como xa tedes visto nas novidades da Biblioteca, temos algúns dos seus libros máis importantes, publicados por Anagrama en castelán: Trilogía de la ocupación, Calle de las tiendas oscuras, En el café de la juventud perdida.
                                                
                                          

Na exposición que fixemos en outubro xa vos contamos á súa biografía e algunhas referencias ás súas novelas máis coñecidas. O que non vos dixemos é que tamén ocupou o seu tempo en tareas menos "académicas", foi guionista de cine e mesmo letrista de cancións como esta que canta Françoise Hardy (musa da  tan alabada " canción francesa")

Club de lectura

     

      Estes días pasados celebramos  a reunión de xaneiro no Club de Lectura. Despois de ter algunha fatiga ao ler Farenheit 451, pasamos a outro tema moi distinto da ciencia-ficción e a outro estilo, máis intimista.
      Eleximos a Irene Némirovsky, unha escritora francesa de orixe xudía que foi asasinada no campo de concentración de Auschwitz, coma nova autora para  o grupo de lectores de 4º de ESO.
      Unha vez vistas algunhas das súas novelas o plan de lectura é comezar El baile.

  Os libros están en camiño, non desesperedes....

Onde mellor que "á calor dos libros"?

Clicando na imaxe iredes dereitos cara a guía do Nadal das bibliotecas municipais de Oleiros: 66 libros e dvd que están á vosa disposición nas distintas bibliotecas do concello. O persoal responsable das bibliotecas de Oleiros, que confeccionou esta guía, afirma no seu blog que a súa proposta de lecturas para o Nadal constitúe "unha escolla de creacións de autoras e autores galegos, españois e internacionais, para distintos gustos, intereses, preferencias e idades. Bos libros e películas para gozar e compartir".
Excelentes suxestións as desta guía, que teñen a avantaxe de estar moi cerquiña de todos vós, á volta da esquina (e por 0 euros).

Pero se sodes do tipo tiquismiquis e precisades explorar e remexer títulos e títulos antes de quedarvos cunha opción, neste enlace  do  blog das Bibliotecas Escolares de Galicia atoparedes máis, moitas máis suxestións
Libros, música, cine... en tempos fríos.

Polo dereito dos nenos e nenas de todo o mundo a educarse en paz

Procedencia da imaxe

  
Ante o atentado a unha escola de Peshawar, en Pakistán, que tivo como consecuencia 142 persoas mortas, 132 delas nenos e adolescentes, os profesores e profesoras do IES María Casares queremos amosar a nosa solidariedade cos alumnos, pais e nais e con todo o persoal do centro de Peshawar. Compartimos o seu sufrimento polo brutal atentado contra a vida, a inocencia, a liberdade, a educación, o coidado, o futuro, a esperanza, a alegría. Un atentado perpetrado por aqueles que deixaron as aulas, a biblioteca, o salón de actos, a escola enteira, che de cadáveres, berros de dor, sangue, destrución, balas, granadas, desesperación e silencio aterrado.
A barbarie destes actos non ten xustificación algunha. Os terroristas irrompen coa destrución salvaxe e deixan a mudez horrorizada porque a lingua non ten palabras. Por iso berramos co silencio o noso noxo ante o sinsentido desta nova masacre de inocentes e esiximos a quen corresponda que adopte as medidas precisas para que os nenos e nenas de calquera credo, de calquera calquera orixe social ou xeográfica, poidan medrar e educarse en paz.

Procedencia da imaxe: BBC

A noticia do atentado no xornal El País: 
Al menos 132 escolares muertos en un ataque talibán en Pakistán

Concurso de guións contra a violencia de xénero

Procedencia da imaxe

Esta vez é a Deputación de A Coruña quen vos invita a participar nun concurso de guións para curtametraxes a tod@s cant@s teñades entre 14 e 18 anos. O tema ten que estar relacionado coa prevención da violencia de xénero. Podedes participar de xeito individual ou en grupo (máximo 6 persoas por grupo) e terá que supervisar o voso traballo algún profesor ou profesora do centro. Se gañades, recibiredes como premio un curso práctico de realización de curtas no que se producirá o vídeo baseado no voso guión. Animámosvos, logo, a que participedes neste interesante concurso e recordámosvos que na biblioteca estamos para axudarvos no caso de que o precisedes, tanto neste concurso coma en calquera outro dos que vos daremos conta ao longo do curso.


 Para máis información: 

http://www.dicoruna.es/dicoruna-noticia/servlet/Noticias?lang=gl&accion=2&ver=19&nid=19932
http://bop.dicoruna.es/bopportal/cambioBoletin.do?fechaInput=25/11/2014

Convócase o "XXXIII Certamen Literario Roquetas de Mar"

Como en anos anteriores chéganos por correo electrónico a invitación a participar no certame literario Roquetas de Mar que convoca alá por terras almerienses o IES Sabinar.

Foto dos gañadores da anterior edición na modalidade de poesía publicada en La Voz de Almería

E como non atopo en ningún sitio do cibercosmos as bases da presente edición deste certame, vou e cópioas para vós do pdf que nos enviaron por correo electrónico. Aí van:

Bases del XXXIII Certamen Literario Roquetas de Mar
1. Pueden concurrir los alumnos matriculados en el actual curso 2014 – 2015 en cualquier IES, tanto público como privado, del Estado Español.
2. Los trabajos presentados serán originales e inéditos. Estarán firmados con seudónimos y, en sobre aparte, aparecerá el mismo seudónimo. En su interior constará la identidad del autor: nombre, edad, dirección, teléfono, correo electrónico, DNI del alumno, centro en el que estudia, curso y el nombre y DNI de un profesor que avale la originalidad del escrito presentado.
3. La edad de los concursantes estará comprendida entre los 14 y 20 años, ambas edades inclusive.
4. Se establecen dos modalidades: Poesía y Cuento. En poesía la extensión será de un poema o conjunto de poemas, de un mínimo de 50 versos y un máximo de 100 versos; y en la modalidad de cuento, tendrá un máximo de 5 folios.
5. Sólo se podrá presentar un trabajo por modalidad.
6. Para cada modalidad se establecen tres premios. La dotación de cada uno de ellos será la siguiente:
Poesía
1º- 800 €
2º- 600 €
3º- 400 €
Cuento
1º- 800 €
2º- 600 €
3º- 400 €
El jurado se reserva la potestad de declarar desierto alguno de estos premios o la de conceder cuantos accésits considere oportunos.
7. Los trabajos se presentarán, adecuadamente grapados o encuadernados, en seis copias distintas, mecanografiados a doble espacio, y estarán escritos, inexcusablemente, en lengua castellana. Se enviarán por correo a la siguiente dirección:
I.E.S. “SABINAR” de Roquetas de Mar
C/ Pío Baroja, s/n. Apdo. de correos 70
04740 ROQUETAS DE MAR (Almería)
Referencia: Certamen Literario
8. No se admitirán los trabajos que incumplan los puntos 2 y 5 de estas bases.
9. Los trabajos deberán presentarse en tamaño DIN A-4, a una sola cara y con letra Arial 10 o Times New Roman 12.
10. El plazo de entrega de los trabajos finalizará el día 15 de febrero de 2015.
11. El fallo del jurado se hará público en la página web del centro (www.ies-sabinar.com) los días previos a Semana Santa y se comunicará personalmente a los ganadores. La fecha de la entrega de los premios está prevista para el 24 de abril de 2015.
12. Los trabajos premiados y aquellos que se estimen oportunos quedarán a disposición de la Comisión Organizadora para su publicación en un libro colectivo. Las restantes obras no se devolverán ni se mantendrá correspondencia con los participantes.
13. La asistencia del autor a la entrega de premios y lectura de la obra premiada serán obligatorias. La no asistencia implica la pérdida de la dotación económica del premio.
14. El hecho de participar en este Certamen supone la aceptación de las bases, así como la decisión inapelable del jurado.
Roquetas de Mar, diciembre de 2014
 Cualquier duda o cuestión se puede remitir a: certamenliterario@correo.ies-sabinar.com